У скаўцкім лагеры. Фота: канал "НовогрудокНашГород"
Паведамленне пра скаўцкі лагер пад Навагрудкам з’явілася ў мясцовым прапагандысцкім пабліку 14 жніўня. Ужо на наступны дзень лагер быў згорнуты.
«Под Новогрудком подростки разбили лагерь. Мнения в редакции разделились: кто-то думает — будут чернику заготавливать и лес чистить, кто-то говорит марьванну курить. Группа интересная, поэтому решили понаблюдать, чтоб лес не спалили. На предстоящей неделе в Беларуси +30», — напісалі прапагандысты.
Пытанні да лагера выклікалі скаўцкія шэўроны яго ўдзельнікаў — і прапагандысты паскардзіліся ўладам, адзначае канал «Хрысціянская візія».
З арганізатарамі падлеткавага лагера правялі «прафілактычную гутарку», расказалі ў іншым прапагандысцкім пабліку. Прапагандысты акцэнтуюць увагу, што сярод арганізатараў былі мінскія святары. Пасля «гутаркі» скаўты былі вымушаныя пакінуць месца правядзення летніка.
У ліпені 2023 года, таксама паводле даносу, у Навагрудку аштрафавалі ксяндза. Нагодай стаў ягоны рэпост у 2021 годзе допіса, зробленага ў 2016 годзе.
Скаўцкія (харцэрскія) атрады з каталіцкіх юнакоў з’явіліся ў Беларусі ў 1921 г. у Клецку і Нясвіжы. Выхаванне грунтавалася на прынцыпах патрыятызму, рэлігіі і фізічнага развіцця. У савецкі час рух быў забаронены. Аднавіўся ў канцы 1980-х, быў зарэгістраваны ўжо ў незалежнай Беларусі. Зараз каталіцкія скаўты штогод перад Калядамі дастаўляюць у Беларусь і перадаюць з горада ў горад Віфліемскі агонь.
Чытайце таксама: Бондарава хоча закрыць сядзібу «Літоўка»: яна знайшла там парнаграфію, разбэшчванне і скажэнне Бібліі
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…