Навіны

Украінцаў не прапускаюць праз беларускую мяжу. Выпадкі пачасціліся

Адна з удзельніц Telegram-чата, прысвечанага праходжанню мяжы, распавяла, што ёй паставілі штамп «Уезд забаронены» пры праходжанні польска-беларускай мяжы. Па словах дзяўчыны, памежнікам не спадабалася тое, што ў яе асабістай перапісцы гаворка ішла аб хуткім ад’ездзе ў Расію, а ў гутарцы яна паведаміла, што хоча затрымацца ў краіне на некалькі дзён. Паводле яе, такая забарона — не рэдкасць.

Да ўкраінцаў у беларускіх памежнікаў асаблівая ўвага: іх адводзяць на гутаркі і глядзяць іх тэлефоны. Часцей за ўсё апытваюць мужчын, але жанчын — таксама. У чаце за месяц — дзясяткі паведамленняў на гэтую тэму.

Напрыклад, 13 красавіка двух украінцаў, якія едуць з Варшавы, паўтары гадзіны пратрымалі на «размове» і не ўпусцілі ў краіну. Па водгуках перасякаючых мяжу, часам іх абшукваюць дбайней, чым беларусаў.

Усяго з 24 лютага 2022 па 12 мая 2023 у Беларусь прыбыло 96 072 грамадзяніна Украіны: праз украінска-беларускую мяжу — 15 890, з Польшчы — 61 993, з Літвы — 14 592, з Латвіі — 3 597.

Праз чаканне на мяжы аўтобусы часта спазняюцца — гутаркі зацягваюцца на некалькі гадзін.

Праблемы таксама ўзнікаюць з тымі, у каго адначасова ўкраінскі і расійскі пашпарты. Напрыклад, калі ў Беларусь заехалі па расійскім пашпарце, а выязджаць з Беларусі ў Польшчу хочуць па ўкраінскім.

«Усіх, хто з Украіны — з усімі асобная гутарка і праверка смартфонаў! Але ў гэтым няма нічога страшнага і пачварнага. Яны проста пытаюцца, што, куды, навошта, адкуль, на колькі. Там ужо па ходзе адказаў задаюць пытанні. Але працэдура зусім бяскрыўдная, хоць і трохі непрыемная. < … > Абсалютна няма пра што перажываць, толькі што затрымаюць на 15 хвілін», — лічыць яшчэ адна карыстальніца.

Паводле яе слоў, такія гутаркі праводзяць «з любым замежным грамадзянінам» — напрыклад, з палякамі і нават партугальцамі.

Чытайце таксама: «Навошта ты сюды прыехала?». Допыты на беларускай мяжы працягваюцца

Падзяліцца

Апошнія запісы

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам у 60 метрах ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025