Гульцы гродзенскага футбольнага клуба “Нёман” дапамагалі сваім калегам грошамі са свайго заробка. Прычына дапамогі – адсутнасць кантрактаў і заробкаў у футбалістаў з-за так званых “чорных спісаў”. Некаторыя гульцы паехалі граць у іншыя краіны, паведаміла Tribuna.com.
Што за “чорныя спісы”
У верасні 2020 года 93 беларускіх футбаліста вышэйшай і першай лігаў асудзілі гвалт у Беларусі. У 2022 годзе стала вядома пра так званы “чорны спіс” Міністэрства спорту і турызму Беларусі. Тады камандам забаранілі заключаць кантракты з 48 футбалістамі.
У сувязі з гэтым футбалісты засталіся без працы і не атрымлівалі заробак ад клуба. Гульцам, якія апынуліся беспрацоўнымі, дапамагалі іх калегі. Са свайго заробку яны дапамагалі таварышам, каб тыя не засталіся без грошай. Футбалісты з “чорнага спісу” спачатку былі супраць дапамогі, але потым прынялі яе.
Некаторыя футбалісты сышлі ў іншыя клубы
Паўабаронца гродзенскага “Нёмана” Раман Пасевіч, які патрапіў у “чорны спіс”, у чэрвені 2023 года сказаў, што сыходзіць з клуба. Футбаліст паедзе ў Расію граць за уфімскі футбольны клуб “Уфа”.
Галоўны трэнер “Нёмана” выступаў за амністыю футбалістаў
Галоўны трэнер футбольнага клуба “Нёман” Ігар Кавалевіч ў траўні 2023 года выказаўся за аміністыю футбалістаў, з якімі забаранілі заключаць кантракты. Таксама ён выказаўся пра адсутнасць у складзе яго каманды футбалістаў Валерыя Жукоўскага, Яўгена Ляшко, Сяргея Курганскага і Рамана Пасевіча.
Чытайце таксама:
