Фота ілюстрацыйнае: pexels.com, Edward Eyer
У Беларусі трэці раз працягнулі забарону на ўвоз некаторых прадуктаў з «несяброўскіх» краін. Пад забаронай засталіся яблыкі, акрамя перыяду з 1 па 31 ліпеня. У спіс дадалі польскае і літоўскае піва і слабаалкагольныя напоі.
Забарона на ўвоз прадуктаў са спісу падоўжаная да 31 снежня 2023 года ўключна. Адпаведны дакумент падпісаў прэм’ер-міністр Раман Галоўчанка, паведамляе прэс-служба Савета міністраў.
Забарону на піва з Літвы і Польшчы ў прэс-службе патлумачылі «вытворчасцю аналагічнай прадукцыі ў Рэспубліцы Беларусь у дастатковых аб’ёмах».
Контрсанкцыі на ўвоз у Беларусь прадуктаў з «несяброўскіх» краін (краіны Еўрасаюза, ЗША, Канада, Нарвегія, Вялікабрытанія) з’явіліся 1 студзеня 2022 года ў адказ на санкцыі Захаду. Пад забарону патрапілі свежае, астуджанае, замарожанае, салёнае, сушанае і вэнджанае мяса, субпрадукты, тлушчы, каўбасы, мука з мяса ці мясных субпрадуктаў, малако і малочная прадукцыя, гародніна, садавіна, арэхі, слодычы, соль. Пазней некаторыя прадукты дазволілі ўвозіць, сярод іх грушы, баклажаны, свежы балгарскі перац, салата-латук, рукала, мангольд, шпінат, хурма, абрыкосы, вішня, чарэшня, нектарыны, слівы.
Пры гэтым для «несяброўскіх» суседзяў Беларусь увяла спрошчаны рэжым бязвізу з 15 красавіка 2022 года — для грамадзян Літвы і грамадзян і неграмадзян Латвіі. З 1 ліпеня 2022 года да іх далучыліся і грамадзяне Польшчы. Бязвіз для прызнаных раней «несяброўскімі» краін працягнулі да 31 снежня 2023 года.
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…