Культавы ў вузкіх колах «падвал» здаюць у арэнду ў Гродне

У Гродне на вуліцы Цітова, 9 прапануюць арандаваць падвал. Раней у ім размяшчаўся бар RockStar. Аб’яву размясцілі на сайце Гродзенскага цэнтра нерухомасці.

Плошча памяшкання — амаль 230 кв.м. У падвале ёсць водазабеспячэнне, электрычнасць, санвузел. Уладальнік падвала — адміністрацыя Кастрычніцкага раёна Гродна.

Новага ўладальніка памяшкання плануюць знайсці праз аўкцыён. Дата аўкцыёна пакуль невядома. Паводле «Вячэрняга Гродна» цана за арэнду памяшкання ў месяц каля 600 рублёў без уліку камунальных аплат.

Што раней там было

Раней тут размяшчаўся бар «Андэграўнд». У 2016 годзе на яго месцы адкрылі новую ўстанову — бар RockStar. Там адбываліся канцэрты музыкаў-пачаткоўцаў, а таксама выступалі вопытныя выканаўцы. У RockStar выступалі беларускія гурты «Петля Пристрастия», «Разбітае Сэрца Пацана», а таксама гродзенскія Mister X, Messed Up, The Goonzz.

Чытайце таксама:

• Канцэрты ў Гродне сыходзяць у падполле, на выступах — табу на «палітыку». Што будзе з культурай далей?

• Кліенты сыходзяць, бары губляць прыбытак, дамовіцца немагчыма. Што адбываецца на Маставой, дзе пасля 23:00 не працуюць летнія пляцоўкі