Торфабрыкетны завод у Верцялішках. Крыніца: "Вечерний Гродно"
У мястэчку Верцялішкі пад Гроднам прадаюць торфабрыкетны завод. Пачатковая цана — 4 млн рублёў (больш за € 1,2 млн). Аўкцыён адбудзецца 6 чэрвеня 2023 года. Інфармацыю апублікавалі на сайце Гродзенскага аблвыканкама.
Уладальнік завода — «Гроднааблгаз». На тэрыторыі завадскога комплекса ёсць пяціпавярховы брыкетны цэх, будынак механічнай майстэрні, лінія па пераапрацоўцы драўляных адкідаў, лінія па транспартыроўцы і адгрузцы тарфяной сушонкі, будынак заводакіравання, склад, масластанцыя. У будынкі праведзены камунікацыі.
Першы раз завод у Верцялішках спрабавалі прадаць у красавіку 2023 года. Тады за комплекс хацелі амаль 8 млн рублёў. Але аўкцыён не адбыўся з-за адсутнасці пакупнікоў.
Торфабрыкетны завод у Верцялішках пачалі будаваць ў пачатку 1950-х гадоў. У самім мястэчку здабывалі торф. Калі торф скончыўся, яго пачалі здабываць на Святым балоце побач з Азёрамі. Да яго праклалі вузкакалейку даўжынёй 40 км. У 2010-х гадах завод спрабавалі мадэрнізаваць, але гэта не дапамагло. Апошнія супрацоўнікі сышлі з завода ў пачатку 2023 года.
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…
Валанцёры грамадскай арганізацыі "Адданае сэрца" просяць гродзенцаў дапамагчы з мэбляй. У домік для катоў, які…
Гродзенка купіла клубніцы ў шакаладзе ад кавярні MyLoverBerry і вырашыла пакаштаваць яе на відэа. Дзяўчыну…
Вядучая "Марафону адзінства" Анастасія Кісель, студэнт года і дэлегат Усебеларускага народнага сходу, павінна была атрымаць…
Жыхара Ваўкавыска Леаніда Трафімовіча пачалі судзіць 21 студзеня. Працэс па арт. 370 КК "Здзек з…
Суды разгледзелі і задаволілі ў 2024 годзе 140 заяў ад пракуратуры Гродзенскай вобласці аб прызнанні…