Нафтабазу побач з аграгарадком Тапілішкі на Шчучыншчыне плануюць прадаць з аўкцыёна 18 траўня 2023 года. Пачатковая цана – амаль 24,9 тыс. рублёў (амаль $ 10 тыс). Інфармацыю апублікавалі на сайце “БелЮрЗабеспячэнне”.
База размяшчачецца на ўчастку плошчай 14 сотак. На тэрыторыі ёсць будынак тэхнічнага абслугоўвання аўтамабіляў з халоднай прыбудовай. Таксама ёсць склад, топліўназаправачная калонка і сем разнафарматных ёмістасцяў для бакаў, у якіх можна захоўваць светлыя нафтапрадукты.
Нафтабазу забралі за пазыкі ў “Гроднааблсельбуда”. Тэрыторыя нафтабазы агароджана плотам – сеткай рабіцай на жалезабетонных слупах.
Чытайце таксама: Індыя хоча інвеставаць у «Гродна Азот» да $ 600 млн. Чым завод цікавы замежнікам?
