Навіны

Як знайсці ў Гродне дыван, малавядомы стрыт-арт і Эйфелеву вежу? Дапаможа бот «Цудоўны #Гродна»

У Гродне стварылі бот для знаёмства з цікавымі месцамі горада — «Цудоўны #Гродна». Ён дапаможа разнастаіць шпацыры нескладанымі заданнямі па пошуку месцаў - і раскажа іх гісторыю.

Як гэта працуе

Пасля запуска @MyGrodnoBot прапануе нумары з варыянтамі заданняў. Пасля выбару задання з’яўляецца апісанне месца і яго гісторыя, адлегласць для пацверджання адзнакі ў кропцы і яе аддаленасць ад цэнтра. Трэба знайсці апісанае месца і адзначыцца там праз бота. Усе заданні адсартаваныя па аддаленасці ад цэнтра. Для некаторых месцаў стаіць абмежаванне па часе выканання задання — напрыклад, для сонечнага гадзінніка або для дворыка Музея рэлігіі, які ў іншы час зачынены.

Чытайце таксама: Дзе ў Гродне фоткацца ў Instagram: інструкцыя для замежнікаў і мясцовых

У спісе месцаў не толькі славутасці з аглядных экскурсій, але і схаваныя разыначкі. Каб знайсці іх, трэба разбірацца ў Гродне. Напрыклад, ведаць, дзе ў горадзе стаіць Эйфелева вежа. Некаторыя месцы трэба адгадаць па фота, для некаторых у апісаннях названа прыблізнае месца.

Атрымаўшы заданне, трэба націснуць «Пачаць» і выправіцца ў апісаную лакацыі. Пасля прыбыцця трэба ў плыні хвіліны націснуць на кнопку"Праверыць месца". Калі месца адгадалі правільна, ваш нік у Telegram з’явіцца ў гэтым заданні ў графе"апошнія наведвальнікі".

Зараз у боце гатова 30 розных заданняў, спіс будзе расці. Параўнаць свае дасягненні з дасягненнямі іншых удзельнікаў можна ў гарадскім рэйтынгу. На момант напісання ботам скарысталася ўжо 308 чалавек.

Чытайце таксама: Каралеўскія паркі і ахоўныя пасадкі. Топ-7 незнакамітых месцаў Гродна, дзе можна шпацыраваць вясной 2023

Прыдумалі для марафону, але спатрэбіцца пасля

Ідэя стварэння бота прыйшла падчас марафону «30 дзён на ровары», расказалі распрацоўшчыкі для «АвтоГродно». Падчас яго ўдзельнікі вырашаюць падобныя заданні. Іх адмініструюць два чалавекі, гэта займае час. Бот прыдумалі, каб спрасціць жыццё арганізатарам. Ідэя прыйшла толькі пад канец марафону, таму для яго яна спатрэбіцца ўжо ў наступным годзе.

Частку заданняў узялі з гродзенскай гарадской гульні Night City. Для бота выбіралі самыя цікавыя загадкі за гісторыю гульні.

Распрацоўшчыкі запрашаюць дасылаць свае заданні і актыўна ўключацца ў развіццё бота. Напрыклад, калі ў нейкім кафэ гатовыя зрабіць некалькі бясплатных кубкаў кавы для пераможцаў, у бота можна будзе «зашыць» загадку пра гэтае кафэ. З ідэямі можна звяртацца да карыстальніка Telegram @this_is_source.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025