У Гродне з’явіцца абноўлены аўтобусны маршрут праз увесь горад

Пасля адкрыцця Новага моста на Паповіча абноўлены аўтобусны маршрут № 28 аб’яднае ранейшыя маршруты № 7 і № 28. Па паўднёвай частцы горада аб’яднаны маршрут паедзе як ранейшы маршрут № 7. У паўночнай частцы — будзе рухацца па маршруце № 28.

Аўтобусны маршрут № 28 будзе называцца «Вішнявец — Белыя Росы».

Тралейбусы № 7, 8, 10, 12, 14, 15, 23 пасля аднаўлення руху праз мост паедуць па сваіх ранейшых маршрутах.

Поўны спіс прыпынкаў аўтобуса № 28:

Вішнявец — Вішнявец-5 — Вішнявец-7 — Малахавічы — вуліца Вішнявецкая — Пошта — Крама «Нарач" — Вуліца Славінскага — Хімвалакно — Вуліца Выдавецкая — Вуліца Акульная — ГАП № 1 — Гроднажылбуд — Вуліца Хвойная — Вуліца Вольгі Соламавай — Сярэдняя школа № 37 — «Алмі» — «Фламінга» — «Еўраопт» — Крама «1000 дробязяў" — Белаграпрамбанк — Каледж эканомікі і кіравання — Вуліца Вясновая — Вуліца Фестывальная — Вуліца Болдзіна — Крама «Купалінка» — Гімназія № 5 — Вуліца Дамброўскага — Вуліца Урублеўскага — Каледж тэхнікі, тэхналогій і дызайну — Радыёхваля — Вытворчасць аўтаагрэгатаў- Вуліца Гаспадарчая — Гроднааблнафтапрадукт — Дзевятоўка- Вуліца Белыя Росы.

Калі адкрыюць мост

Новы мост урачыста адкрыюць 14 красавіка, а 21:30. На адкрыцці абяцаюць светла-лазернае шоу, танцы рэгуліроўшчыка і «вулічныя танцы на мосце».

Першай па мосце праедзе калона рэтра-аўтамабіляў, машыны экстраных службаў, байкераў і веласіпедыстаў. Далей рух запусцяць для ўсяго транспарту і пешаходаў, перадае «Пул 4 регион».

У гэты дзень з 20:30 і да канца прадстаўлення будзе часова перакрытая пантонная пераправа. З 17 красавіка яе наогул ліквідуюць.

Раней рух на мосце на Паповіча абяцалі адкрыць 17 красавіка.