Польскі праяздны дакумент замежніка. Крыніца: прэс-служба офіса Святланы Ціханоўскай
У Польшчы беларусам, якія не могуць вярнуцца дадому, будуць бясплатна выдаваць праязны дакумент замежніка. Адпаведныя папраўкі ў польскім заканадаўстве набудуць моц з 1 чэрвеня 2023 года, паведаміў намеснік міністра ўнутраных спраў і адміністрацыі Польшчы Бартош Градзецкі.
«Міністр прыняў такое рашэнне з улікам спецыфічнай сітуацыі беларускай супольнасці ў межах падтрымкі, якую мы аказваем дэмакратычнай Беларусі», — сказаў Градзецкі.
Гэты дакумент патрэбны беларусам, якія маюць гуманітарны від на жыхарства ў Польшчы, але згубілі свой пашпарт або ў дакумента скончыўся тэрмін. Пры гэтым паехаць у Беларусь для яго замены яны не могуць.
Таксама гэты дакумент патрэбны дзецям беларусаў, якія нарадзіліся ўжо ў Польшчы, але іх бацькі не могуць зрабіць ім пашпарт.
«Гэтыя людзі вядуць нармальнае жыццё ў Польшчы, хочуць падарожнічаць, але могуць мець абгрунтаваную асцярогу з’явіцца ў пасольства або консульства сваёй краіны ці вярнуцца ў Мінск для атрымання дакументаў», — сказаў Градзецкі. Акрамя гэтага, ён звярнуў увагу на тое, што ў Беларусі змянілі заканадаўства і зараз могуць завочна пазбаўляць беларусаў грамадзянства.
Праязны дакумент замежніка дзейнічае год. Ён дазволіць здзяйсняць любыя паездкі за межы Польшчы. «Рашэнне, якое мы прынялі з юрыдычнай кропкі гледжання з’яўляецца самым хуткім з магчымых. Таксама важна, што мы паспелі рэалізаваць яго да сезону адпачынкаў», — паведаміў Градзецкі.
Магчымасць атрымаць праяздны дакумент беларусы з гуманітарным відам на жыхарства атрымалі з 1 студзеня 2023 года. Зараз выдача праязднога дакумента каштуе 350 злотых (каля € 75).
У студзені 2023 года пра намер выдаваць падобныя дакументы беларусам заявіла Літва.
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…