Бар "Погружение" ў Гродне. Фота: instagram.com/beer.life.grodno/
З 6 красавіка ў Гродне зачыняецца бар-крама «Погружение». Яго тэрыторыі зойме размешчаны па суседстве праект SOHO. «Погружение» — адна з нямногіх устаноў у Гродне, дзе можна выпіць крафтавага піва.
Да 5 красавіка можна пакаштаваць навінкі і выкарыстаць сертыфікаты. Установа прапрацавала тры з паловай гады.
«У кастрычніку 2019 мы адкрылі наш бар ««Погружение» і хацелі, каб нашы госці былі пагружаныя ў прыемную атмасферу ўстановы. Таксама рабілі акцэнт на добрай музыцы і, вядома ж, на крафтавым, каб яно было новенькае, незвычайнае. І гуртаваць аматараў у адным месцы. Атрымалася-не атрымалася — гэта вам судзіць. Мы дзякуем вам, што вы былі ўвесь гэты час з намі і заўсёды давалі нам зваротную сувязь, з чым працаваць. У нас заўсёды былі лепшыя людзі — суцэльныя, цікавыя і шматгранныя. Самыя лепшыя заўсёды былі ў нас. Вельмі рады сяброўству з вамі», — напісалі ў акаунце ўстановы.
«Погружение» — адзін з нямногіх бараў у Гродне, дзе рабілі акцэнт на крафтавым піве. Гэта аўтарскае піва, зваранае невялікімі броварамі па асаблівых рэцэптах. У бары супрацоўнічалі з беларускімі і замежнымі броварамі. Таксама там можна было выпіць настоек з натуральных інгрэдыентаў. У «Погружение» праходзілі дэгустацыі і лекцыі пра гісторыю піва з папулярызацыяй адказнага ўжывання алкаголю. У 2020 годзе прайшла школа піўнога сомелье. Бар «Погружение» ёсць і ў Брэсце. Інфармацыі пра закрыццё брэсцкага бара няма.
Лаундж-бар SOHO з азіяцкай кухняй, які зойме плошчы «апускання», адкрыўся ў будынку ГД «Нёман» на месцы закрытага «Фудмаркета». У меню ўстановы — тартар, бао-бургеры, рызота. У бары выступаюць кавер-бэнды і DJ, праводзяць чайныя цырымоніі.
UPD 2 красавіка. «Закрываемся па сукупнасці прычын. SOHO трэба было пашырацца, нам дадзены памер бара быў маленькім і трэба трохі большае памяшканне. І таксама па асабістых пытаннях уласнікаў», — пракаментавалі ў бары праекту «Туси в Гродно». У бліжэйшы час адкрыццё бара ў новай прасторы не плануецца.
Чытайце таксама:
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…