Зоотаксі "Вожык". Крыніца: "Вячэрні Гродна"
Таксі для жывёл «Вожык» стварыла ў Гродне ў 2022 годзе Святлана Вялесік. У дзень у яе 3−4 заказа і яна ўжо плануе купіць другі аўтамабіль. Пра гэта паведаміў «Вячэрні Гродна».
Святлана працуе адміністратарам у ветэрынарнай клініцы. «Аднойчы назірала такую сітуацыю. Прывезла да нас бабуля свайго ката, а з’ехаць не можа — таксісты не хочуць везці. Стаіць, плача, і дапамагчы ён ніяк нельга», — сказала Святлана.
Пасля гэтага выпадка Святлана з мужам Яўгенам вырашылі адкрыць таксі для перавозкі жывёлаў. Яны ўзялі крэдыт і набылі ўжываны Citroën з вялікім багажнікам. Спачатку жывёлаў вазіў Яўген, зараз за стырном ездзіць Святлана.
Паслугамі таксі ў асноўным карыстыюцца ўладальнікі сабакаў і катоў. «Кліент прызначае час, да якога патрэбна прыехаць. Часцей за ўсё просяць адвесці ў ветэрынарную клініку, час ад часу — на выставу, да грумера альбо за горад». Таксама могуць звярнуцца, калі жывёле тэрмінова патрэбна дапамога.
З жывёламі Святлана працуе з 2006 года. Але аказваць ветэрынарную дапамогу жанчына не мае права. Нягледзячы на гэта, у яе ёсць двайная колькасць медыкаментаў для экстраных выпадкаў.
Пастаянных кліентаў ужо каля 50 чалавек. Зоотаксі працуе кругласутачна. Паводле словаў Святланы, у дзень бывае 3−4 заказы, час ад часу — шэсць. Выезд можа быць у любую кропку Беларусі.
Цана за паездку ад вуліцы Карскага (там знаходзіцца гарадская ветэрынарная станцыя) да вуліцы Сацыялістычнай — 5 рублёў. У святы альбо кепскае надвор’е жанчына тарыфы не павышае, цана можа быць даражэй ноччу.
Бізнес не прыносіць вялікага прыбытку, але ў планах Святланы набыць другі аўтамабіль, каб паспяваць выконваць усе замовы. Але пакуль жанчына не можа адшукаць кіроўцу, які б пасаваў.
Жанчына марыць запусціць сваю ўласную прыладу, падобную на «ЯндексТакси».
Гродзенская IT-кампанія "Цэнтр Прагрэсіўных Распрацовак" падала заяву аб банкруцтве. Доўг фірмы - амаль 302 тыс.…
На пляцоўцы «Куфар» з'явіліся аб'явы аб продажы гатовых ботаў, якія дапамагаюць адшукаць і заняць вольныя…
Італьянскі рэстаран "Сант Микеле" з піцамі і элементамі малекулярнай кухні выставілі на продаж. Пра прычыны…
У найбліжэйшыя месяцы ў Поразаве плануюць адкрыць Дом банкухі. Тут можна будзе паўдзельнічаць у майстар-класе…
Міліцыя Гродна адпраўляе адбыўшых пакаранне на працы ў Гродзенскую агароднінную фабрыку. Зараз на ўліку ў…
На Дзевятоўцы прадаюць трохпакаёвую кватэру на апошнім паверсе 16-павярховага дома. Акрамя шыкоўнага выгляду на палі…