Праект рэканструкцыі будынка на Калючынскай. Крыніца: Facebook Мечыслава Супрона
З’явіліся фота праекта рэканструкцыі будынка па адрасе Калючынская, 5. Зараз яго займае аддзел мастацтва Гродзенскай абласной навуковай бібліятэкі імя Я. Ф. Карскага.
Фота апублікаваў у сваім Facebook краязнаўца Мечыслаў Супрон. Паводле яго, праект рэканструкцыі ўжо ўзгоднены з Міністэрствам культуры.
Бачна, што да будынка дадасца мансардны паверх, будзе задзейнічаны ўнутраны двор. Зараз у двор будынка ёсць праход з Савецкай вуліцы.
Будынак з’явіўся паміж 1861 і 1873 гг., піша Мечыслаў Супрон. Быў флігелем-стайняй дома Ясяноўскіх («гатэль Маскоўскі», вул. Савецкая, 23).
Паводле даведніка «Біяграфія гарадзенскіх вуліц», меркавана, гэта дом Паплаўскага, збудаваны ў стылі эклектыкі ў 1889 годзе. Перад Першай сусветнай вайной там жыла Кацярына Баркоўская, утрымальніца прыватнай 7-гадовай жаночай гімназіі. З 1924 года там працавала спажывейкая крама Фейгі Лазоўскай.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
