Запраўка "Беларуснафты". Фота: neft.by
Каву ад «Беларуснафты» вырашылі гатаваць на запраўках з зерня ўласнага абсмажвання. Эксперыментальны праект запусцяць у Гродне.
«Беларуснафта» плануе закупляць на біржы буйныя партыі зялёнай кавы і смажыць кававае збожжа самастойна пад брэндам кавярняў на АЗС «Заўжды ЦІКАVА». Ужо абвясцілі тэндэр на закупку абсталявання і збожжа.
Праект плануюць развіваць на пляцоўцы прадпрыемства «Беларуснафта-Гроднааблнафтапрадукт» сёлета. Гродна выбралі, бо тут існуюць даўнія кававыя традыцыі, патлумачыў намеснік генеральнага дырэктара па забеспячэнні вуглевадароднай сыравінай і рэалізацыі прадукцыі кампаніі Сяргей Каморнікаў.
Зараз на АЗС «Беларуснафты» па ўсёй краіне прадаецца больш за 11 мільёнаў кубкаў гарачых напояў за год. На бліжэйшы час кампанія паставіла задачу дасягнуць узроўню ў 12 мільёнаў кубкаў.
Зараз у сферы грамадскага харчавання на АЗС робяць акцэнт на беларускую кухню, падзяліўся прадстаўнік кампаніі. Напрыклад — кракеты, пызы, «галлё» і дранікі. Пашыраюць асартымент кандытарскіх вырабаў і натуральных напояў. У кампаніі хочуць стварыць фабрыку ўласнай кухні, каб замяніць частку прадуктаў у асартыменце сваімі. Часткова гэта ўжо рэалізуецца.
Таксама пад брэндам «Цікаvа» збіраюцца праводзіць гастрафэсты на топавых аўтазаправачных станцыях з кафэ, размешчаных у зручных лакацыях.
У 2021 годзе «Беларуснафта» адкрыла ў Гродне эксперыментальную краму пад брэндам «Цікаvы» — без запраўкі. Гэта была першая такая крама сеткі ў краіне. Ён пачаў працу ў верасні 2021 года ў дварах спальнага раёна паміж вуліцамі Урублеўскага і Даброўскага, але закрыўся, не прапрацаваўшы і года.
У жніўні 2021 пасля рэканструкцыі адкрылі АЗС на вуліцы Мясніцкай. Там упершыню ў Беларусі пачалі аказваць паслугу запраўкі бытавых газавых балонаў.
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…