Фрэска "Цуд на Вісле" у касцёле. Крыніца: katolik-gomel.by
У касцёле Маці Божай Ружанцовай ў аграгарадку Солы (Смаргонскі раён) зафарбавалі фрэску «Цуд на Вісле». Пра гэта на сваёй старонцы ў Facebook паведаміў Вітэк Корыбут-Дашкевіч. Фрэску ўжо аднойчы зафарбоўвалі - у савецкія часы.
На фрэсцы выяўлена Варшаўская бітва 1920 года — пераломны момант савецка-польскай вайны. Тады польскія войскі спынілі наступ Чырвонай арміі на подступах да Варшавы. На фрэсцы можна ўбачыць святара, які малітвай узмацняе вайскоўцаў.
Фрэску намалявалі ў 1920-х гадах. З прыходам савецкай улады яе замалявалі. Яе аднавілі і асвяцілі нанова толькі пасля распаду Савецкага саюза ў 1990-х гадах. Акрамя фрэскі «Цуд на Вісле» ў касцёле ёсць выявы абароны Яснагорскага манастыра ад шведаў у 1655 годзе.
У снежні 2022 года на тэлеканале «Беларусь 1» апублікавалі сюжэт. У ім прапагандыстка Ксенія Лебедзева абурылася наяўнасці гэтай фрэскі ў касцёле. На яе думку, яна «заклікае да распальвання нацыянальнай і рэлігійнай варожасці». Маўляў, «асобныя служыцелі клапоцяцца не аб ратаванні душы, а аб вяртанні Заходняй Беларусі ў склад Польшчы».
Чытайце таксама: І - Іконы Свята-Пакроўскага сабора. 5 фактаў пра сюжэты з новапакутнікамі, што пацярпелі ад бальшавікоў
Забег адбудзецца 15 чэрвеня. Агульная колькасць слотаў для жадаючых прыняць удзел – 1000. За першыя…
Гродзенскі краязнаўца і блогер Яўген Аснарэўскі звярнуў увагу на псеўдагістарычны артыкул у расійскім выданні “Аўрора”…
Такую статыстыку апублікаваў Бераставіцкі райвыканкам. Згодна з падлікам чыноўнікаў, працу ў раёне шукае толькі адзін…
Турагенцтва «Нямнова тур» абвясціла адкрыццё сезону восеньска-зімовых сплаваў на байдарках па Нёмане. Гродзенцам абяцаюць, што…
Беларуска гатуе незвычайны сыр, знаёмый многім па кірмашах і рамесных крамах у Літве. Там яго…
У Беларусі актыўна рассылаюць апавяшчэнне пра выбары і рэферэндум ад імя нібыта «Цэнтральнай Выбарчай Камісіі…
