Будынак КДБ па Гродзенскай вобласці. Крыніца: photobuildings.com
Гродзенскі ГУБАЗіК выклікае на «прафілактычную гутарку» ўдзельнікаў гульні Night City. Вядома як мінімум пра пяць выклікаў. Прычына — данаты на дапамогу рэпрэсаваным і фотаздымкі ў сацыяльных сетках, паведаміла «Гарадзенская праваабарона».
Адну з удзельніц гульні выклікалі ў Камітэт дзяржаўнай бяспекі. Таксама ў яе дома вынялі ўсю тэхніку. «Зараз вядомыя прозвішчы трох чалавек [якіх выклікаюць на „гутарку“ — Hrodna.life], яшчэ двух чалавек бачылі ў Telegram-канале сілавікоў», — сказаў Hrodna.life адзін з гульцоў і арганізатараў Night City Андрэй Мялешка.
Cілавікі прапануюць прыйсці з павіннай на «прафілактычную гутарку», выдаліць усе свае каментары і «пайсці дадому спаць спакойна».
Чытайце таксама: В Гродно появился Telegram-канал, который деанонимизирует участников протеста
Некаторыя з удзельнікаў гульні, якіх выклікаюць, працуюць у сферы IT. На думку Андрэя Мялешкі, тое, што яны паралельна граюць у Night City, можа быць супадзеннем.
Facebook Pay захоўвае і не выдаляе з кабінета звесткі пра тое, куды данаціў карыстальнік. Атрымаўшы доступ да акаўнта, сілавікі атрымоўваюць доказ, што данат быў накіраваны на грамадска-палітычныя кампаніі. Таксама сілавікі працуюць па спісах з банкаў, шукаючы там плацяжы на карысць Facebook. Сёння гэта асноўны шлях выхада на донараў, напісаў у сваім Telegram-канале кіраўнік фонда BYSOL Андрэй Стрыжак.
Night City — інтэрактыўная гульня з элементамі логікі і рызыкі. Каманды ўдзельнікаў перасоўваюцца па начным горадзе, каб шукаць і разгадваць заданні. Разгадаўшчы задачу, яны атрымліваюць падказку куды трэба рухацца далей. Night City існуе з пачатку 2000-х гадоў. З 2021 года ў Гродне гульню не праводзяць. Але гульцы ўдзельнічаюць у міжнародных гульнях у іншых гарадах.
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…