Чарга на ўезд у Беларусь у пункце "Райгардас" ("Прывалка") з боку Літвы. Фота: "Граница BY"
Літва спыніла ўзаемадзеянне з Беларуссю па забеспячэнні бесперабойнай плыні транспарта праз мяжу. Пра гэта 16 лютага 2023 года паведаміў Дзяржаўны памежны камітэт Беларусі. Зараз літоўскі бок можа афіцыйна дапускаць чэргі на мяжы. Прычыну спынення ўзаемадзеяння Літва не паведаміла.
Супрацоўніцтва паміж краінамі адбывалася на падставе дакумента, які падпісалі ў лістападзе 2019 года.
«Гэта — недружалюбны, неканструктыўны крок з боку Літвы, які можа негатыўна адбіцца на сітуацыі з рытмічнасцю перасячэння мяжы асобамі і транспартнымі сродкамі, — сказаў афіцыйны прадстаўнік Дзяржаўнага памежнага камітэта Беларусі Антон Бычкоўскі. — Па сутнасці, ён накіраваны на тое, каб не мець абавязацельстваў перад беларускім бокам у частцы бесперабойнасці і рытмічнай працы пунктаў пропускаў».
З 16 лютага Літва закрыла чыгуначны пункт пропуска «Стасілос» (з беларускага боку «Беняконі»). Літоўская мытня накіравала афіцыйнае паведамленне ў Беларусь аб спыненні руху чыгуначага транспарта праз гэты пункт пропуска.
Па інфармацыі літоўскага боку, рух плануюць аднавіць, калі ўсталююць стацыянарныя сістэмы рэнтгенаўскага пропуска.
Чытайце таксама: Чарга вырасла на 16%. Што адбываецца на мяжы з Еўрасаюзам пасля закрыцця «Баброўнікаў»
Гродзенскі прадпрымальнік Артур Рымша выпусціў кліп на песню "Дзве сястры" - у ёй мужчына спявае…
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…
Валанцёры грамадскай арганізацыі "Адданае сэрца" просяць гродзенцаў дапамагчы з мэбляй. У домік для катоў, які…
Гродзенка купіла клубніцы ў шакаладзе ад кавярні MyLoverBerry і вырашыла пакаштаваць яе на відэа. Дзяўчыну…
Вядучая "Марафону адзінства" Анастасія Кісель, студэнт года і дэлегат Усебеларускага народнага сходу, павінна была атрымаць…