gpk.gov.by
Пасля закрыцця пункту пропуска «Баброўнікі» ўзрасла нагрузка на іншыя пункты перасячэння мяжы. За 11 і 12 лютага чарга з легкавых аўтамабіляў, якія едуць у Еўрасаюз, павялічылася на 16%, грузавых на 20%. Пра гэта паведаміў Памежны камітэт Беларусі.
Затрымкі ў афармленні транспарта зафіксавалі ў пунктах пропуска Брэст — Тэрэспаль, Прывалка — Райгардас. На «Тэрэспалі» польскія памежнікі прапусцілі 32% ад нормы, на «Райгардасе» літоўскія памежнікі прапусцілі 61%.
У сярэднім грузавых аўтамабіляў прапусцілі толькі 44% ад нормы. Асноўныя накірункі, праз якія едуць фуры: «Казловічы» — «Кукурыкі» (Польшча), «Прывалка» — «Райгардас» і «Каменны Лог» — «Мядзінінкай» (Літва).
Станам на 10:00 13 лютага 2023 года перад пунктам пропуска «Брэст» у чарзе чакалі 300 легкавых аўтамабіляў. Норма пропуска за суткі - 1700 аўтамабіляў, але праехалі толькі 476. Перад «Прывалкай» ў чарзе было 50 аўтамабіляў. Норма пропуска ў суткі - 250 машын, але прапусцілі толькі 144. На пункце пропуска «Беняконі - Шальчынінкай» у чарзе чакалі 40 аўтамабіляў. За суткі там прапусцілі 377 пры норме 390.
Станам на 00:00 13 лютага 2023 года перад пунктам пропуска «Казловічы» ў чарзе было 300 грузавых аўтамабіляў. За суткі польскія памежнікі прапусцілі 765 фур пры норме 1200. У Прывалцы ў чарзе было 50 грузавых машын, за суткі там прапусцілі 107 аўтамабіляў, норма — 230.
UPD. Гродзенец Алег Тарасаў на выхадных перасякаў на аўтамабілі мяжу калі ехаў у Беларусь з Літвы. Пра сітуацыю, якая адбывалася на пункце пропуска Райгардас — Прывалка ён распавядаў у stories на сваёй старонцы ў Instagram.
Маршруткі з пасажырамі стаялі ў агульнай чарзе са звычайнымі аўтамабілямі. З-за гэтага, некаторыя маршруткі з’язжджалі на пункт пропуска «Беняконі», бо там ёсць асобная чарга для маршрутак. За тры гадзіны літоўскія памежнікі прапусцілі толькі пяць аўтамабіляў. У выніку, гродзенец быў вымушаны правесці ноч на мяжы і перасёк яе толькі на наступны дзень.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…