Фотаклуб аналагавай фатаграфіі KAMORA. Крыніца: Instagram старонка клуба
У Гродне адкрылі клуб аналагавай фатаграфіі KAMORA. Там можна даведацца пра аналагавую фотаздымку, праявіць стужкі ці надрукаваць фота. Пра гэта 8 студзеня паведамілі ў Instagram праекта. Telegram-канал «Туси в Гродно» даведаўся падрабязнасці пра дзейнасць і планы новага гродзенскага фотаклуба.
Памяшканне, дзе размясціліся аматары аналагавага фота, знаходзіцца недалёка ад Каложскага парку, на вуліцы Зярнова. Раней там была хімчыстка «Чайка». У клубе зараз дзевяць чалавек. Далучыцца да суполкі можа кожны ахвотны.
«Калі хтосьці хоча патрапіць у KAMORу, трэба напісаць у наш Instagram, — пішуць клубаўцы. — Можам падысці, паказаць, што ў нас ёсць, распавесці пра абсталяванне і паказаць, як гэтым карыстацца. Можам дамовіцца на бясплатны майстар-клас ці [дапамагчы] праявіць стужку», — расказалі Telegram-каналу «Туси в Гродно» у клубе KAMORA.
Ідэя стварыць клуб аналагавай фатаграфіі з’явілася летась. «Мы вырашылі стварыць такі гурток, каб кожны мог дзяліцца сваімі ведамі. Каб кожны мог прыносіць сваё абсталяванне, у каго што ёсць, і спрабаваць рабіць [фота] на такім аматарскім узроўні», — распавялі ў KAMORы.
Памяшканне каманда шукала ад лютага 2022 года.
На думку ўдзельнікаў клуба, у Гродне «увогуле нічога няма» для заняткаў фатаграфіяй. На думку сябраў новага клуба, сучасная фатаграфія патрабуе развіцця і новых ідэй. Каб здымкі былі не проста «прыгожыя», але і неслі мастацкую каштоўнасць.
Пра арышт кватэры блогер і экс-палітвязень Вадзім Ермашук даведаўся з паведамлення Следчага камітэта. Ён размясціў…
У Гродзенскай універсітэцкай клініцы правялі майстар-клас для медыкаў, часткай якога стала аперацыя па памяншэнні страўніка…
Палітвязня Мікіту Емяльянава судзяць у Гродне. Беларусаў вымушаюць падпісваць папярэджанні перад выбарамі. Кожны дзень у вобласці…
Гродзенскі абласны драмтэатр шукае дзевяць новых супрацоўнікаў. Палова вакансій звязана з кіруючымі пасадамі. На недахоп…
Будынак былой каралеўскай сядзібы Панямунь набылі з аўкцыёну 16 студзеня 2025 года. Пакупніка часткі былой…
Напярэдадні гадавіны паўстання 1863 года з магілы ксяндза Адама Фалькоўскага, расстралянага царскімі ўладамі ў Лідзе,…