Беларуская лацінка знікне з вуліц? З’явіўся дакумент, дзе ад яе раяць адмовіцца для ўмацавання супольнасці

У сеціва трапіў дакумент, які сведчыць пра рашэнне беларускіх уладаў адмовіцца ад лацінкі ў транслітарацыі геаграфічных назваў. Прычынай назвалі неабходнасць умацавання гістарычна-культурнай супольнасці беларускага народа і недапушчэнне прасоўвання чужых пісьмовых традыцый і культурных каштоўнасцяў.

У адным з Teledram-каналаў апублікавалі дакладную запіску на імя прэм’ер-міністра Галоўчанкі аб выкананні даручэння Лукашэнкі, піша Zerkalo.

Выкарыстанне лацінкі абмяркоўвалі 8 снежня на паседжанні Рэспубліканскага савета па гістарычнай палітыцы. Рашэнні, прынятыя на пасяджэнні, не публікавалі. Паводле апублікаванага зараз дакумента, пасля паседжання савета кіраўнік Адміністрацыі прэзідэнта Ігар Сяргеенка накіраваў Аляксандру Лукашэнку дакладную запіску, дзе выклаў праблему.

Сяргеенка нагадаў, што лацінка з дыякрытычнымі (надрадковымі) знакамі выкарыстоўваецца паводле закону ў адпаведнасці з пастановай Дзяржкамітэта па зямельных рэсурсах, геадэзіі і картаграфіі Рэспублікі Беларусь ад 23 лістапада 2000 г. № 15 «Аб зацверджанні Інструкцыі па транслітарацыі геаграфічных назваў Рэспублікі Беларусь літарамі лацінскага алфавіту». Пры гэтым у дакуменце Сяргеенка спаслаўся на крытыку выкарыстання лацінкі, якая з’явілася нядаўна з боку «навуковай супольнасці, патрыятычна настроеных грамадзян». Паводле дакумента, дзяржорганы атрымлівалі звароты, дзе ім пісалі пра «навязванне з дапамогай лацінізацыі беларускай мовы заходніх ліберальных каштоўнасцяў і культурных традыцый», адзначалі, што ўказальнікі з ёй «перагружаюць гарадское асяроддзе».

Чытайце таксама: Гродзенская актывістка Бондарава хоча прыбраць з указальнікаў дубляванне гарадскіх назваў лацінкай

Ад лацінкі вырашылі адмовіцца

На паседжанні савета па гістарычнай палітыцы ўдзельнікі прыйшлі да высновы, што лацінка на ўказальніках «ускладняе ўспрыманне інфармацыі і абцяжарвае арыентаванне», сказана ў дакуменце. «Было адзначана, што ў яе [беларускай лацінкі] аснову пакладзены польскі варыянт лацінскай графікі, які з XVI стагоддзя выкарыстоўваўся з мэтай паланізацыі беларусаў разам з навязваннем каталіцтва».

Савет вырашыў рэкамендаваць мясцовым органам улады выключыць практыку выкарыстання лацінкі ў назвах вуліц і іншых тапаграфічных аб’ектаў і паступова вывесці яе з ужытку, выкарыстоўваючы толькі дзяржаўныя мовы.

Дакумент рассылаюць нават у школы

Паводле крыніцы, аналагічныя дакументы рассылаюць ў розныя дзяржаўныя ўстановы, у тым ліку школы. Яны мусяць адсправаздачыцца пра «выключэнне практыкі выкарыстання лацінкі».

Апублікаваная дакладная запіска датаваная 14 снежня. Мяркуючы па дакуменце, пасля яе атрымання, 16 снежня, Аляксандр Лукашэнка падпісаў даручэнне № 10/87. Яно загадвае дзяржорганам выключыць выкарыстанне лацінкі.

Скрыншот аднаго з адказаў

Арыгінальная інструкцыя па транслітарацыі геаграфічных назваў (пастанова Дзяржкамітэта па зямельных рэсурсах ад 23 лістапада 2000 г. № 15), знікла з сайта Дзяржкамітэта па маёмасці, які кіруе пытаннямі картаграфі.

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025