Гой паабяцаў стварыць у новым мікрараёне на Фолюшы «санаторную» атмасферу

Падчас будаўніцтва новага мікрараёна на Фолюшы плануюць сфарміраваць ландшафтна-рэкрэацыйныя зоны, а таксама захаваць інфраструктуру былога вайсковага гарадка. Пра гэта сказаў старшыня Гродзенскага гарвыканкама Мечыслаў Гой.

Праект забудовы мікрараёна. Крыніца: grodnonews.by

Забудову новага мікрараёна плануюць рабіць паводле прынцыпу захавання існуючай інфраструктуры. Там плануюць захаваць асобныя будынкі і камунікацыі, а таксама шматгадовыя дрэвы, якія там растуць.

На ўскрайку мікрараёна, побач з ракой Ласасянкай, сфарміруюць ландшафтна-рэкрэацыйную зону агульнага карыстання. Паводле Гоя, шматгадовыя сосны будуць ствараць «санаторную» атмасферу.

У дварах максімальна выключаць аўтатранспарт

На дваровых тэрыторыях, па магчымасці, максімальна выключаць наяўнасць аўтамабіляў. Цэнтральную алею плануюць азеляніць, а таксама размясціць там малыя архітэктурныя формы, пляцоўкі адпачынку, дзіцячыя гарадкі і спартовыя пляцоўкі.

Мікрараён ужо будуюць

Першыя два дамы ў новым мікрараёне пачалі будаваць у верасні 2022 года. Распрацоўшчык праекта — ААТ «Гроднажылбуд».

Агульная плошча новага раёна складзе 34 га. Там размесцяцца 16 шматкватэрных дамоў на 2050 кватэр. Вышыня будынкаў будзе ад 3 да 16 паверхаў. 10 дамоў будуць буйнапанэльныя, а шэсць — маналітна-каркасныя. Агульная плошча жылога фонду — звыш за 140 тыс. квадратных метраў.

Акрамя гэтага ў мікрараёне пабудуюць дзіцячы садок на 230 месцаў і аб’екты гандлёва-бытавога прызначэння.

Калі пачнуць будаваць іншыя дамы

Будаўніцтва падзялілі на чатыры чаргі. Падчас першай чаргі будуюць аб’екты інжынерна-транспартнай інфраструктуры. Зараз адбываецца другая чарга — будаўніцтва першай групы жылых дамоў № 1−4. Верагодна, што ў 2022 годзе пачнуць яшчэ адну чаргу будаўніцтва — жылыя дамы № 7−11. Скончыць будаўніцтва новага мікрараёна плануюць у 2026 годзе.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025