Ландшафтны заказник "Азёры". Крыніца: wikimedia.org
Рэканструкцыю другога візіт-цэнтра у заказніку «Азёры» выканалі на 99%. Праверыць працы па рэканструкцыі прыехаў міністр прыродных рэсурсаў і аховы навакольнага асяроддзя Андрэй Худык, паведаміла БелТА.
Візіт-цэнтр арганізавалі на базе былой музычнай школы аграгарадка Азёры. Там выканалі вонкавыя і ўнутраныя аддзелачныя працы, правялі неабходныя камунікацыі, усталявалі мэблю, падключылі мультымедыйнае абсталяване, добраўпарадкавалі прылягаючую тэрыторыю.
Візіт-цэнтр — месца, дзе наведвальнікі ахоўваемай прыроднай тэрыторыі могуць атрымаць інфармацыю аб месцы, а таксама рэкрэацыйныя паслугі. Там можна арганізоўваць пастаянныя альбо часовыя экспазіцыі, праводзіць заняткі з дзецьмі, а таксама чытаць лекцыі.
Візіт-цэнтр — праект па «Развіцці экалагічнага турызму для садзеяння зялёнаму пераходу да інклюзіўнага і ўстойлівага роста». Яго рэалізуе Міністэрства прыроды ў партнёрстве з Праграмай развіцця ААН.
Першы эколага-адукацыйны візіт-цэнтр у заказніку «Азёры» адкрылі ў жніўні 2017 года. Там адбываюцца імпрэзы, адукацыйныя заняткі, семінары і выставы экалагічнай накіраванасці. Мэта цэнтра — папулярызацыя экалагічнага турызму ў Гродзенскай вобласці.
Азёрскі заказнік размешчаны ў Гродзенскім і Шчучынскім раёнах. Там захоўваюць у натуральным стане каштоўныя леса-азёрныя экалагічныя сістэмы і ўнікальныя прыродна-ландшафтныя комплексы. Там ёсць дзікарастучыяя расліны і дзікія жывёлы, якія занесены ў Чырвоную кнігу Беларусі, напрыклад, барсук, рысь, падорлік малы, скопа, журавель шэры, чорны бусел.
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…