Хуткая дапамога. Ілюстрацыйнае фота
Брыгады хуткай медыцынскай дапамогі ў Гродне з 15 снежня аснашчаны пераноснымі відэарэгістратарамі, як у міліцыянтаў. Зараз уся праца супрацоўнікаў, уключаючы момант аказання дапамогі, будзе запісвацца на відэа. Пра гэта ў stories у Instagram распавёў былы супрацоўнік гродзенскай «хуткай» Фёдар Сумкін.
«Аргументавана гэта тым, каб прыбраць моманты агрэсіі пацыента на выкліках пры аказанні меддапамогі, каб было відэапацвярджэнне. Як па мне, гэта люцейшая дзіч і гестапа поўнае. Таму што цяпер начальства можа паглядзець відэазапіс, ацаніць тваю працу, паслухаць, пра што ты „базарыў“ увесь час. І гэта ГУЛАГ», — лічыць Фёдар.
Ён размясціў у відэа фота інструкцыі. У дакуменце напісана, што відэарэгістратар трэба насіць заўсёды уключаным. Запісы будуць захоўвацца ў начальства пэўны час і прадастаўляцца па запыце адпаведных органаў. Выключыць рэгістратар можна толькі калі пацыент настойліва просіць зрабіць гэта.
Фёдар раіць былым калегам сачыць за размовамі і паўтараць алгарытмы аказання дапамогі. Ён мяркуе, што з-за відэазапісаў начальства зможа знайсці дадатковую нагоду пакараць медыкаў.
На яго думку, замест рэгістратараў грошы варта было выдаткаваць на іншыя рэчы — абнавіць дэфібрылятар, купіць маніторы.
У траўмапункце бальніцы хуткай медыцынскай дапамогі Гродна кабінеце ў лекара ёсць відэакамера, распавёў Фёдар. У Польшчы ён з такім не сутыкаўся — лекар гутарыць з пацыентам сам-насам. Нават супрацоўнікі міліцыі, прывозячы чалавека ў бальніцу, выключаюць відэарэгістратар. Бальніца ў Польшчы — не месца для здымкі.
Фёдар Сумкін (Астаповіч) быў фельчарам хуткай дапамогі ў Гродне і блогер. Ён з сям’ёй з’ехаў з Беларусі ў Польшчу ў верасні 2021 года — каб пазбегнуць палітычнага пераследу. У Беларусі ён распавёў аб тым, як працуюць медыкі падчас пандэміі каранавіруса. У студзені 2021 года падчас эфіру Фёдара з падпісантамі ў Instagram падключылася Святлана Ціханоўская. Цяпер Фёдар працуе ў Szpitalne Oddziały Ratunkowe (Спецыяльныя Выратавальныя Аддзелы) у Польшчы.
Чытайце таксама: «Сабраліся за дзве гадзіны». Гродзенскі блогер і фельчар Фёдар Сумкін з’ехаў з Беларусі
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…