Для рэгістрацыі на падачу дакументаў у візавы цэнтр зараз спатрэбіцца абавязковая верыфікацыя праз Міжбанкаўскую сістэму ідэнтыфікацыі (МСІ). Змены запрацуюць з 28 лістапада 2022, праінфармаваў афіцыйны партнёр амбасады Рэспублікі Польшча ў Беларусі VFS Global.
Верыфікацыя патрэбна будзе ўсім грамадзянам Рэспублікі Беларусь, старэйшым за 18 гадоў. Для гэтага на сайце візавага цэнтра ва ўкладцы «Запіс на падачу» трэба будзе перайсці па спасылцы на сайт МСІ.
Пасля анлайн ідэнтыфікацыі па асабістым ідэнтыфікацыйным нумары ў МСІ трэба, як і раней, запісвацца на падачу дакументаў на сайце візавага цэнтра VFS Global.
Міжбанкаўская сістэма ідэнтыфікацыі (МСІ) — гэта сістэма, якая выкарыстоўваецца для дыстанцыйнай ідэнтыфікацыі кліентаў без асабістай прысутнасці і прадастаўлення паслуг з дапамогай лічбавых каналаў абслугоўвання. МСІ дазваляе тым, хто аднойчы прайшоў працэдуру асабістай ідэнтыфікацыі ў адным з банкаў Беларусі, атрымліваць абслугоўванне праз лічбавыя каналы банкаў і іншых удзельнікаў фінансавага рынку Рэспублікі Беларусь. Напрыклад, з дапамогай МСІ можна было прайсці перапіс насельніцтва онлайн.
Візавы цэнтр рэкамендуе перад верыфікацыяй праверыць правільнасць сваіх персанальных дадзеных у МСІ. Такая праверка — бясплатная. Калі з’явіцца паведамленне, што дадзеныя няслушныя, трэба звярнуцца ў абслуговы банк і пасля гэтага пачаць працэс верыфікацыі зноўку.
Колькасць спроб верыфікацыі асобы абмежавана да 10. У выпадку перавышэння абмежавання сістэма часова заблакуе карыстальніка. Верыфікацыйны код МСІ (Visa Token) сапраўдны на працягу 1 гадзіны.
Пасля гэтага трэба стварыць або ўвайсці ў свой уліковы запіс на сайце візавага цэнтра і выбраць месца падачы і тып візы. Пры запаўненні дадзеных трэба будзе паказаць і верыфікацыйны код з сістэмы МСІ.
Грамадзяне іншых краін, старэйшыя за 60 гадоў, і законныя прадстаўнікі непаўналетніх могуць падаць заяўку для рэгістрацыі па электроннай пошце на падачу дакументаў:
Заяўка павінна быць адпраўлена з асабістай электроннай пошты, для непаўналетніх — з пошты аднаго з бацькоў (прадстаўніка), які плануе падаваць дакументы за дзіця.
З 1 снежня 2022 года сервісны збор будуць спаганяць з усіх катэгорый заяўнікаў, уключна з дзецьмі да 6 гадоў.
У дзень падачы дакументаў у візавым цэнтры трэба падаць ліст-пацверджанне аб запісе і пашпарт (для непаўналетніх таксама пашпарт прадстаўніка і пасведчанне аб нараджэнні).
З 5 снежня 2022 года пры падачы дакументаў на візы па мэце Poland. Business Harbour, калі такая віза ўжо была раней, трэба падаць дадатковы дакумент, які пацвярджае фактычнае выкарыстанне папярэдняй візы. Гэта можа быць пацвярджэнне сацыяльнага страхавання ў Польшчы альбо іншы дакумент, які пацвярджае атрыманне падаткаабкладанага даходу ў Польшчы, а таксама дакумент, які пацвярджае рэгістрацыю па адрасе пражывання ў Польшчы.
Падача дакументаў па мэты Poland. Business Harbour магчымая непасрэдна для ўдзельніка гэтай праграмы. Члены сям'і могуць прэтэндаваць на візу толькі калі IT-спецыяліст, якога будуць суправаджаць, прадаставіць пералічаныя вышэй дакументы.
Для візавых цэнтраў у Мінску, Гомелі і Магілёве запісацца па дадзенай мэце можна праз асобна выдзеленую на сайце катэгорыю D visa-PBH.
Праблемы з рэгістрацыяй на паданне дакументаў для візы ў беларусаў ужо даўно. У 2022 годзе яны абвастрыліся, бо штат консулаў паменшыўся і колькасць месцаў скарацілася. «Злавіць» рэгістрацыю самому практычна нерэальна, і людзі месяцамі не могуць атрымаць візу. Фірмы-пасярэднікі прапануюць вырашыць праблему і запісваюць на падачу за грошы. Кошт даходзіць да 1500 рублёў. У верасні беларусы нават стварылі петыцыю да ўрада Польшчы з просьбай вырашыць праблему.
Чытайце таксама:
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…