Coca-Cola Classic і "Кола Чарнагалоўка". Фота: Hrodna.life
Гродзенка Іна Грышук праверыла, чым адрозніваецца Coca-Cola ад напоя «Кола Черноголовка». Пра гэта яна напісала на сваёй старонцы ў Facebook. Спойлер: на думку дзяўчыны, вынік двубою — 1:1.
Паводле Інны Грышук, складнікі напояў на этыкетцы — ідэнтычныя. У абодвух напоях ёсць цукар, араматызатары, фарбавальнік цукровы колер, кафеін. Вонкава напоі не адрозніваюцца, але ёсць адрозненні ў смаку і паху.
«У «Кола Чарнагалоўка» адчуваецца лёгкая кіслінка, класічная Кола крыху салодкая. Смакі вельмі падобныя, але адрозніваюцца. За кошт гэтага бал аддаем Коле. Пах у «Колы чарнагалоўкі» больш яскрава выяўлены, чым у класічнай колы. Тут бал аддаем «Кола Чарнагалоўка. Вынік — 1:1».
На думку жанчыны, «калі проста абіраць як напой — розніца невялікая». Маўляў, «Чарнагалоўку» цалкам можна браць як замену класічнай «Коле». А вось у кактэйлі «Лонг-Айленд», лічыць Іна, гурманы могуць адчуць розніцу.
Розніца паміж напоямі ў цане — 75 капеек. Цана за двухлітровую бутэльку «Кола Чарнагалоўка» ў краме «Еўраопт» — 3,10 рублёў. Цана за такіж аб’ём звычайнай Coca-Cola Classic — 3,85 рублёў.
У сакавіку 2022 года Coca-Cola сышла з расійскага рынку з-за вайны Расіі супраць Украіны. Тады ў сетках Burger King і KFC замянілі Coca-Cola напіткамі брэнда «Чарнагалоўка», а ў «Вкусно и точка» — напіткамі «Добрый». У Беларусі Coca-Cola засталася і працягвае выпускаць сваю прадукцыю.
«Колу Чарнагалоўку» вырабляюць толькі ў адным варыянце. У адрозненні ад «Чарнагалоўкі», звычайная Coca-Cola мае розныя варыянты сваё прадукцыі. Гэта Coca-Cola Zero, Coca-Cola Lime, Coca-Cola Vanilla, Coca-Cola Cherry.
Coca-Cola Company вырабляе канцэнтраты, сіропы, безалкагольныя напоі. Кампанія валодае больш чым 350 гандлёвымі маркамі як глабальнымі, так і рэгіянальнымі.
Чытайце таксама: У Беларусі замест McDonald’s будзе расійская «Вкусно — и точка»
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…
