Будынак на вуліцы Мопраўская,6. Крыніца: Facebook
На вуліцы Мопраўскай, 6 у Гродне зруйнавалі будынак пачатку ХХ стагоддзя. Пра гэта паведаміў гродзенскі гісторык Мечыслаў Супрон на сваёй старонцы ў Facebook.
Будынак зруйнавалі прыкладна месяц таму, у верасні 2022 года. Па факце зноса гісторык Мечыслаў Супрон звярнуўся па тлумачэнне ў Міністэрства культуры.
«Адказ мінкульта — будынак не мае статусу ГКК [Гісторыка-культурнай каштоўнасці - Hrodna.life]», — напісаў Супрон.
Акрамя гэтага, у Міністэрстве культуры паведамілі, што будынак не вылучаны як шэраговая гістарычная забудова ў праекце зон аховы гісторыка-культурнай каштоўнасці «Гістарычны цэнтр Гродна».
Адказ Мечыславу Супрону з Міністэрства культуры. Крыніца: Facebook
Будынак на вуліцы Мопраўскай, 6 быў тыповай гарадской камяніцай канца XIX — пачатку ХХ стагоддзя. Гэта была частка забудовы кварталу вуліцы Малой Траецкай.
«Вуліца Мопраўская ў пачатку ХХ стагоддзя фактычна з’яўлялася часткай вуліцы Малой Траецкай, якая ішла ўздоўж абрыву. Пасля зносу гэтага будынка на Мопраўскай не засталося ніводнага гістарычнага будынка», — сказаў Hrodna.life гісторык Мечыслаў Супрон.
У пачатку ХХ стагоддзя тэрыторыя, дзе стаяў дом, з’яўлялася густанаселеным яўрэйскім кварталам, у якім у асноўным жылі гандляры і рамеснікі. Канкрэтнае імя ўладальніка дома пакуль невядома.
«Для пратаколу дом перабудаваны саветамі. Шмат чаго пашкоджана. Падмурак развальваўся ды па ўсіх сценах вялікія трэшчыны. Па факту две з паловай сцяны і тыя з большага трэба перарарабіць. А ці ёсьць у нас добрыя рэстаўратары, якія б склалі на нова будынак не ведаю. Прынамсі чалавек праводзіў экспертызу па захаваньні гістарычнай спадчыны. Але як там далей адбывалася ня ведаю. Ды магчыма штосьці адбудавана яшчэ будзе. Я б не сьпяшаўся з высновамі», — напісаў у каментарах чытач аднаго з гродзенскіх тэлеграм-каналаў.
Чытайце таксама: «Спыніце знішчэнне Гародні». Пакуль вы спалі, на Валковіча пачалі зносіць старадаўні дом
Гродзенскі рок-гурт 8.sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…
Валанцёры грамадскай арганізацыі "Адданае сэрца" просяць гродзенцаў дапамагчы з мэбляй. У домік для катоў, які…
Гродзенка купіла клубніцы ў шакаладзе ад кавярні MyLoverBerry і вырашыла пакаштаваць яе на відэа. Дзяўчыну…
Вядучая "Марафону адзінства" Анастасія Кісель, студэнт года і дэлегат Усебеларускага народнага сходу, павінна была атрымаць…
Жыхара Ваўкавыска Леаніда Трафімовіча пачалі судзіць 21 студзеня. Працэс па арт. 370 КК "Здзек з…
Суды разгледзелі і задаволілі ў 2024 годзе 140 заяў ад пракуратуры Гродзенскай вобласці аб прызнанні…