У гімназіі № 6 у Гродне дзецям арганізавалі шведскі стол. Навучэнцы 7−11 класаў могуць самі абіраць ежу, паведаміў тэлеканал «Гродно Плюс». Гэта працяг эксперымента, які распачалі ў некаторых школах горада пяць гадоў таму.
Выбіраць абед школьнікі могуць з 16 страваў. Гэта гарніры, мяса, халодныя закускі, напоі і карысны фастфуд. Каб не марнаваць прадукты, увялі сістэму перадзамовы. Кожны клас павінен даць заяўку і запісаць у сшытак, што дзеці будуць есці сёння. Тады супрацоўнікі харчавога блоку магуць прыгатаваць патрэбную колькасць страваў.
Да сярэдзіны кастрычніка — пачатку лістапада 2022 года па такім прынцыпе пачнуць есці старэйшыя класы ў 15 школах горада. У 2020 годзе такіх школаў было толькі восем.
У межах эксперымента ў гродзенскіх школах шведскі стол уводзілі ў 2017 годзе. Тады па такім прынцыпе навучэнцы 10 і 11 класаў харчаваліся ў 15 школах, 10 з якіх размяшчаліся ў Ленінскім раёне. Далейшае пашырэнне сістэмы патрабуе, каб у іншых школах была адпаведная тэхнічная база.
Абсталяванне школьных харчовых блокаў плануюць паступова мадэрнізаваць. Між іншым, для іх будуць набываць параканвектаматы, каб гатаваць ежу на пары. Таксама гэта дазваляе гатаваць адначасова больш страваў. Пра гэта сказала загадчыца вытворчасці гімназіі № 6 Тамара Сушчык.
У 2022/2023 годзе цана за харчаванне ў сярэдніх школах вырасла на 11%. У школьных меню павінны былі з’явіцца навінкі. Гэта мітболы «Сытныя», «Курачка пікантная», біфштэкст «Цудоўны», крокет «Асаблівы», запяканка «Здаравёнак» і каўбаскі «Абібок». У буфетах абяцалі ягадны пірог з пясочнага цеста з пацёртымі ягадамі. Пра гэта ў жніўні 2022 года сказала дырэктарка Камбіната школьнага харчавання Мінска Надзея Лукашэвіч.
Чытайце таксама: Два айфоны для сям'і і кандыцыянер для маці: другога запар дырэктара камбіната школьнага харчавання будуць судзіць за крадзеж і хабар
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…