Навіны

Сланімчаніна асудзілі за каментар пра пратэсты ў Казахстане (абноўлена)

Аляксандра Петушкова са Слоніма пачалі судзіць 5 кастрычніка ў Гродзенскім абласным судзе. Яго затрымалі ў студзені — за выказванні аб пратэстных настроях у Казахстане, змене ўлады і ўводзе войскаў АДКБ.

UPD 19 кастрычніка. Аляксандра Петушкова з Гродна асудзілі на 7,5 гадоў калоніі ў Гродзенскім абласным судзе, паведамляе Telegram-канал «Суды, задержания. Гродно и область».

Аляксандра Петушкова затрымалі тры гродзенскіх амапаўцы ў яго кватэры 12 студзеня 2022 года. Відэа з ім выклалі праўладныя Telegram-каналы. Аляксандр сказаў, што яго затрымалі за каментары пра пратэстныя настроі ў Казахстане, змену ўлады і ўвод войскаў АДКБ (арганізацыя Дамовы аб калектыўнай бяспецы, вайскова-палітычны блок — Hrodna.life). Таксама ў канале сцвярджалі, што Аляксандр «заклікаў да беспарадкаў».

Аляксандра Петушкова ў Гродне будуць судзіць па шэрагу артыкулаў КК:

  • 342 ч. 1 — Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх;
  • 130 ч. 1 — Распальванне расавай, нацыянальнай, рэлігійнай альбо іншай сацыяльнай варожасці або варожасці;
  • 368 ч. 1 — Абраза прэзідэнта Рэспублікі Беларусь;
  • 293 ч. 1 — Масавыя беспарадкі.

Прысуд вынесе Дзмітрый Бубенчык.

34-гадовага хлопца ўнеслі ў пералік арганізацый і фізічных асоб, якія маюць дачыненне да тэрарыстычнай дзейнасці

Што адбылося ў Казахстане?

Пратэсты ў Казахстане пачаліся 2 студзеня 2022 года пасля рэзкага павышэння коштаў на звадкаваны газ праз пераход на рынкавы механізм цэнаўтварэння. Неўзабаве пратэсты ахапілі некалькі гарадоў і сталіцу. Удзельнікі пратэстаў перайшлі ад эканамічных патрабаваньняў да палітычных, якія ўключалі адстаўку ўрада і прэзідэнта Нурсултана Назарбаева.

Падчас пратэстаў у сталіцы спалілі былую рэзідэнцыю прэзідэнта і акімат. У Казахстане абвясцілі надзвычайнае становішча. 6 студзеня войскі АДКБ як міратворчая місія ўвайшлі ў Казахстан, абвясцілі рэжым антытэрарыстычнай аперацыі. 7 студзеня ўлады Казахстана паведамілі аб аднаўленні парадку ў краіне.

Пасля пратэстаў у краіне памяняліся прэм’ер-міністр, дзяржсакратар, спікер ніжняй палаты парламента. З 16 міністраў замянілі палову. Назарбаеў пазбавіўся пасады лідэра кіруючай партыі «Нур Атан». Гэтую пасаду заняў Такаеў.

Не першае затрыманне

Таксама ў студзені 2022 года за каментар аб сітуацыі ў Казахстане затрымалі як мінімум двух мінчукоў. Чым скончыліся іх затрымання, невядома.

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025