Источник: instagram.com/kalozha
Каложская царква стаіць у Гродне дзевяць стагоддзяў. Унутры яе сцены дагэтуль захоўваюць 27 графіці XIII-XIX стагоддзяў з малюнкамі і надпісамі на кірыліцы і лацінцы. Як іх знайсці, расказаў акаўнт царквы ў Instagram.
Гэта самае вялікае графіці. У кожнага з сілуэтаў над галавой бачныя німбы. Гэта значыць, што на малюнку выяўленыя святыя. Справа надпіс: «Святы Спасе, св (Ятая Ганна), святой Сімео (не) (памілуй мя) не грэшнага, які шмат зграшыў». Усё, што ў дужках — здагадкі, бо не ўсе літары ў надпісы захаваліся.
Імаверна, гэта сцэна Стрэчання, апісаная ў Евангеллі: самая маленькая фігурка Ісуса знаходзіцца на руках у святога Сімяона, а побач з імі — прарочыца Ганна. Мабыць, хтосьці пакінуў па сабе такую малітву ў сценах храма. Навукоўцы кажуць, што аўтар жыў у XIII стагоддзі.
Зайшоўшы ў храм, трэба павярнуць налева. Падыдзіце да нішы, у якой будуць бачныя рэшткі фрэскі: два німбы і ўзоры. Графіці знаходзіцца на правай сценцы гэтай нішы. Разгледзець яго можна з ліхтарыкам.
Ад гэтага надпіса захавалася толькі літары «ГІ» злева. Верагодна, гэта пачатак імя. Рысачкі справа ж пазначаюць колькасць малітваў, прачытаных за гэтага чалавека.
У царкве і цяпер так робяць: калі вернік ці верніца падае просьбу пра малітву саракавуст, імя запісваюць у сшытак і адлічваюць за яго на літургіі 40 малітваў.
Размяшчаецца ў наступнай нішы справа ад папярэдняй.
У Каложы і шмат аўтографаў тыпу «Тут быў Вася». Самы ранні з іх адносяць да XIV стагоддзя. Лепш за ўсё захавалася подпіс нейкага Цыбульскага. Сваё прозвішча ён напісаў двойчы: лацінкай і кірыліцай.
Ёсць і рэшткі надпісу з 4-х літар «Боло». Цікава, што прозвішча цяперашняга настаяцеля царквы — Балоннікаў.
Гэтыя надпісы, а таксама малюнак зорак, птушак і крыжоў знаходзяцца ў алтары царквы. Паглядзець на іх можна толькі з экскурсаводам.
Чытайце таксама:
Непаўналетняга жыхара Ваўкавыска асудзілі на год "хатняй хіміі" за здзек з дзяржаўнага сцяга, піша мясцовая…
Асноўныя мерапрыемствы пройдуць у цэнтры горада 1 сакавіка. Запланавана масленічнае шэсце, спаленне пудзіла зімы і…
Гродзенка паказала ў TikTok наступствы капітальнага рамонту інтэрната па вуліцы Гогаля, 9. Пасля работ на…
Жылы комплекс «Аляксандраўскі» узводзяць на месцы былых ваенных казармаў. Забудова будзе складацца з двух невысокіх…
На пешаходных дарожках па вул. Дамброўскага ў Гродне з'явіцца асвятленне. Работы збіраюцца правесці з сярэдзіны…
На некалькіх міжгародніх маршрутах Гродзенскай вобласці ўпершыню з'явілася магчымасць заплаціць за праезд у маршрутцы карткай.…
