Навіны

Зруйнавалі яшчэ адны могілкі жаўнераў Арміі Краёвай. Гэтым разам у Гродзенскім раёне

Могілкі жаўнераў Арміі Карёваў знішчылі ў вёсцы Плябанішкі [Гродзенскі раён — Hrodna.life]. Там былі пахаваны чатыры жаўнеры, паведаміў партал Glosznadniemna.pl.

Могілкі жаўнераў Арміі Краёваў у Плябанішках да зруйнавання. Крыніца: glosznadniemna.pl.

У могілках каля вёскі Плябанішкі былі пахаваны Казімір Ахрамовіч, Мечыслаў Місюта, Баляслаў Місюра, Ганна Зарыцка. Яны загінулі 24 верасня 1943 года ў сутычцы з немцамі.

Як загінулі жаўнеры Арміі Краёвай

Група жаўнераў, сярод якіх быў паранены капітан Баляслаў Місюра, затрымалася ў ляснічоўцы побач з вёскай Плябанішкі. Мясцовы солтыс [мясцовы старшыня — Hrodna.life] данёс пра гэта немцам. Яны прыбылі ў Плябанішкі і атакавалі жаўнераў.

Цела капітана Місюры згарэла ў падпаленай ляснічоўцы. Потым немцы кінулі целы ў калодзеж. Санітарку Ганну Зарыцку немцы павезлі ў бок Гожы і закапалі пры дарозе. Пазней мясцовыя жыхары перапахавалі ахвяраў.

У 1990-х на месцы, дзе загінулі жаўнеры, усталявалі крыж на сродкі Гэлены Пшэпесць. Яна нарадзілася ў Плябанішках, а пазней жыла ў Гданьску.

Магілы бураць, але ёсць бязвіз

Руйнаванні помнікаў і пахаванняў польскіх жаўнераў пачалося летам 2022 года. З таго часу зафіксавана ўжо некалькі такіх выпадкаў.

Чытайце таксама: У Стрыеўцы зруйнавалі помнік загінулым польскім жаўнерам. Гэта ўжо пяты выпадак у Гродзенскай вобласці

У Польшчы асудзілі кампанію па знішчэнні слядоў польскасці ў Беларусі. Афіцыйная заява польскага Міністэрства замежных спраў з’явілася на сайце ведамства 6 ліпеня. Яна з’явілася пасля ў сувязі са знішчэннем пахавання салдат Арміі Краёвай у вёсцы Мікулішкі Ашмянскага раёна. МЗС Беларусі паведаміла ў адказ, што ў гэтым населеным пункце «воінскіх пахаванняў і пахаванняў замежных вайскоўцаў не зарэгістравана» і законнасць «работ па ўладкаванні тэрыторыі» ў дадзеным месцы была пацверджана Генпракуратурай пасля атрымання дадзеных, што чалавечыя парэшткі там адсутнічаюць.

Мясцовыя ўлады Гродзенскай вобласці таксама не каментуюць руйнаванне магіл польскіх жаўнераў. Затое арганізавалі для палякаў бязвізавы ўезд і запрашаюць у госці. Паводле інфармацыі Дзяржпамежкамітэта, з 1 ліпеня па канец жніўня 2022 года, магчымасцю бязвізавага наведвання скарысталіся 4 678 грамадзян Польшчы.

Чытайце таксама: Палякі паедуць, але гэта не будуць турысты. Слухайце, што пра новы беларускі бязвіз думае эксперт з Беластока

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025