У канале пад назвай “Поступи по совести” посцяць дадзеныя людзей, іх нікнэйм і скрыншоты паведамленняў. Ім прапануюць прыйсці ў ГУБАЗ для прафілактычнай гутаркі і выдаліць усе свае каментары. Стваральнікі канала сцвярджаюць, што пасля гэтага іх адпусцяць.
Раней гродзенцы, дадзеныя якіх злівае канал, не затрымліваліся і не прыцягваліся да адказнасці.
“Мы, група актывістаў з Гродна, якім не абыякавы лёс горада і наша грамадзянская пазіцыя накіравана на ўмацаванне законнасці і правапарадку ў горадзе. Было прынята рашэнне дапамагчы сілавікам з Гродзенскага ГУБАЗа і намі праведзены деанон гродзенскіх БЧБ памыйніц ў Telegram», — распавялі стваральнікі канала (пунктуацыя арыгіналу захавана).
На 19 жніўня там апублікавалі дадзеныя чатырох чалавек. Стваральнікам таксама можна даслаць інфармацыю ў чат-бот. У канала пакуль 20 падпісчыкаў. Яго рэкламуе канал “Пульс Гродно”, які публікуе відэа з затрыманнямі па “палітычных” матывах.
Ці скарысталіся “прапановай” дэананімізаваныя, невядома.
