Вугляродны намёт. Фота: "Гродзенскі хімік"
У будынку заводакіраўніцтва «Гродна Азот» уладкавалі рэлакс-зону. У фае ўсталявалі палатку з вугляроднай тканіны — CarbonBOX. Яна павінна ізаляваць чалавека ўнутры ад электрамагнітнага выпраменьвання і такім чынам аказваць лячэбны эфект, піша «Гродзенскі хімік».
Палатно з 99% вугляроду вырабілі на ААТ «СветлагорскХімвалакно». У замкнёным контуры яно стварае прастору, абароненую ад электрамагнітных палёў мабільных тэлефонаў, манітораў і рознага абсталявання. Унутры застаецца толькі «ўнутранае выпраменьванне чалавека», удакладняе выданне. Такім чынам можна дасягнуць лячэбнага эфекту. Чалавек расслабляецца, супакойваецца, у яго памяншаецца галаўны боль і аднаўляецца імунная сістэма.
Carbon BOX усталяваны каля актавай залы на першым паверсе адміністрацыйнага корпуса. Скарыстацца ім можа любы чалавек. Рэкамендаваны час знаходжання ў намёце — 20−30 хвілін. Гаджэты трэба пакідаць звонку.
Звычайна вугляроднае валакно ўжываюць для армавання кампазіцыйных, цеплаахоўных, хімаўстойлівых і іншых матэрыялаў, для цеплаізаляцыі, ачысткі агрэсіўных вадкасцяў і газаў ад дысперсных прымешак, у самалётабудаванні і касмічнай галіне, у медыцыне і вытворчасці спецадзення.
Чытайце таксама:
Гродзенка купіла клубніцы ў шакаладзе ад кавярні MyLoverBerry і вырашыла пакаштаваць яе на відэа. Дзяўчыну…
Вядучая "Марафону адзінства" Анастасія Кісель, студэнт года і дэлегат Усебеларускага народнага сходу, павінна была атрымаць…
Жыхара Ваўкавыска Леаніда Трафімовіча пачалі судзіць 21 студзеня. Працэс па арт. 370 КК "Здзек з…
Суды разгледзелі і задаволілі ў 2024 годзе 140 заяў ад пракуратуры Гродзенскай вобласці аб прызнанні…
Пра арышт кватэры блогер і экс-палітвязень Вадзім Ермашук даведаўся з паведамлення Следчага камітэта. Ён размясціў…
У Гродзенскай універсітэцкай клініцы правялі майстар-клас для медыкаў, часткай якога стала аперацыя па памяншэнні страўніка…