Навіны

Урбаністыка: як хіпстарскі панятак можа быць карысны для гродзенцаў? Адказ пачуеш у падкасце

Сёння мы шмат чуем пра панятак урбаністыкі і нейкіх загадкавых урбаністаў, але наўрад ці ўяўляем, як гэтая навамодная дысцыпліна можа быць карыснай у штодзённым жыцці. У першым выпуску новага падкасту «Утульны горад» аўтарка і яе госць разабраліся, як урбаністычныя вынаходкі могуць палепшыць жыццё гродзенцаў.

Слухайце размову цалкам, або тэзісна і ў вялікім скароце чытайце ніжэй.

Старажытны Гродна і тыповыя праблемы беларускага горада

Нягледзячы на тое, што Гродна здаецца даволі адметным пунктам на мапе Беларусі, урбаніст Віталь Богдзель параўноўвае наш горад з іншымі беларускімі гарадамі і паказвае, што мы маем даволі тыповыя праблемы. Да некаторых з гэтых праблем мы да таго звыклі, што перасталі іх заўважаць. Аднак заторы, благі гарадскі транспарт і дэпрэсіўныя спальныя раёны — гэта не злы лёс, які раптам напаткаў Гродна, а задачы для ўрбаніста.

Адкуль бяруцца заторы?

Віталі Богдзель лічыць, што адна з асноўных праблем сучасных беларускіх гарадоў - залішняя аўтамабілізацыя. Нам інтуітыўна здаецца, што калі кожная сям’я мае аўтамабіль, гэта вельмі добра і зручна, але прысутнасць такой колькасці машын на гарадскіх дарогах вядзе якраз да ўзнікнення затораў, аварый і пагаршэння экалагічнай сітуацыі. У гэта можа быць цяжка паверыць, але камфортны грамадскі транспарт можа быць файнай альтэрнатывай для гараджан і дапаможа разгрузіць гродзенскія дарогі.

Чытайце таксама: Чаму Гродна нельга лічыць маленькім горадам — 6 фактаў

Грамадскія прасторы пачынаюцца з уласнага пад’езда

Для многіх гараджан дагэтуль адчуванне адказнасці за прастору заканчваецца за парогам кватэры. Агульныя месцы — пад’езды, двары, гарадскія вуліцы — традыцыйна лічацца «нічыімі». Таму і спадзеў на акультурванне такіх пляцовак ускладаецца на каго заўгодна, толькі не на нас саміх. Аднак, калі людзі ўсвядомяць сваю адказнасць за агульныя прасторы і пачнуць хаця б з паляпшэння ўласнай лесвічнай пляцоўкі, хутка ў іх з’явіцца матывацыя рабіць нешта далей.

Слухайце таксама: Палякі паедуць, але гэта не будуць турысты. Што пра новы беларускі бязвіз думае эксперт з Беластока

Праз супольнасць жыхароў аднаго дома хутка можна будзе і адрамантаваць дзіцячую пляцоўку, і абсталяваць двор лаўкамі і альтанкамі, і нават зрабіць сапраўдны парк. Калі дасведчаныя актыўныя людзі з розных дамоў пачнуць аб’ядноўвацца, ужо можна будзе казаць пра ўплыў суцэльна на гарадскія прасторы.

Дадавайце ў закладкі старонку падкаста «Утульны горад» і падпісвайцеся, каб паслухаць наступныя выпускі

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025