Закупацца ў канкурэнтаў нельга? Супрацоўнікам «Кароны» забараняюць купляць прадукты ў «Маяку»

Супрацоўнікаў гіпермаркета «Карона» на праспекце Купалы ў Гродне нібыта прымушаюць падпісваць заявы, што яны не будуць хадзіць па прадукты ў дыскаўнтар «Маяк», які адкрыўся побач. Пра гэта распавяла блізкая да «Кароны» крыніца.

Гіпермаркет «Корона» на праспекце Янкі Купалы ў Гродне. Крыніца: yandex.by

Супрацоўнікі «Кароны», з якімі ўдалося звязацца рэдакцыі, расказалі, што ніякіх папер падпісваць іх не прымушалі. Але сапраўды вусна папярэдзілі, што закупацца ў «Маяку» нельга. «Калі кагосьці з супрацоўнікаў там убачаць — будуць санкцыі, бо ў канкурэнтаў закупацца нельга», — распавялі Hrodna.life супрацоўнікі «Кароны».

Hrodna.life спрабаваў атрымаць каментар ў кіраўніцтва гіпермаркета «Карона». На электронны ліст, які мы даслалі ў зваротную сувязь, адказ не прыйшоў. Таксама не знялі слухаўку ў аддзеле падбору персаналу ў самім гіпермаркеце на праспекце Янкі Купалы.

Ці былі такія выпадкі раней?

У папярэднія гады кіраўнік гродзенскай «Кароны» звяртаў увагу супрацоўнікаў на тое, што нельга купляць прадукты ў крамах канкурэнтных сетак, кшталту «Еўраопт» і іншых. Пра гэта расказалі Hrodna.life супрацоўнікі крамы. «Маўляў, вы ж працуеце ў „Кароне“, вам трэба працягваць кантракт штогод. Таму трэба падтрымліваць свайго працадаўцу».

Калі адкрылі краму «Маяк»

Краму сеткі «Маяк» адкрылі на вуліцы Перамогі ў канцы траўня 2022 года. Сетка пазіцыянуе сабе як дыскаўнтар — крама з нізкімі цэнамі. «Маяк» на Перамогі - першая крама гэтай сеткі ў Гродне. Усе «Маякі» ў Беларусі належаць ЗАТ «Дабраном», які развівае таксама сеткі «Дабраном» і «Капеечка». Многія лічаць, што «Дабраном» праз пасярэдніцтва іншых кампаній кантралюецца ўласнікамі «Еўраопта», але апошнія гэтага ніколі не пацвярджалі.

Крама «Карона» на праспекце Янкі Купалы працуе з 2014 года.

Падзяліцца

Апошнія запісы

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025

Нерухомасць тыдня: на Фолюшы прадаюць кватэру з размаляваным балконам і вокнамі ў парк

Калі вы хацелі жыць у кватэры з уласнай фрэскай, ды яшчэ і блізка да прыроды,…

29 сакавіка 2025