fotokoot, wikimapia.org
Каля дзвюх тысяч мірных жыхароў забілі акупанты на тэрыторыі Гродзенскай турмы № 1 ў час Другой сусветнай вайны. Пра гэта пракурор горада Уладзімір Клішын сказаў тэлеканалу «Гродна Плюс».
У межах расследавання крымінальнай справы пракуратура аналізавала архіўныя дакументы і дапытвала сведак. Пасля гэтага ў межах кропкавых пошукаў на тэрыторыі турмы былі знойдзены рэшткі чалавечых костак са слядамі ўплыву высокай тэмпературы.
«Мы сёння праводзім кропкавыя пошукавыя мерапрыемствы. Пацвярджаецца факт таго, што нямецка-фашысцкія захопнікі, а таксама іх саўдзельнікі з ліку розных нацыяналістычных фарміраванняў, здзяйснялі масавае вынішчэнне мірных грамадзян нашай краіны», — сказаў Уладзімір Клішын.
Якія архіўныя дакументы аналізавалі і якіх сведак дапытвалі, «Гродно Плюс» не ўдакладніў.
Фрагменты чалавечых костак знайшлі падчас рамонта ўсходняй сцяны турмы яшчэ ў 2005 годзе. Тады перапахаванне астанкаў не здзейснілі, а косткі пакінулі на месцы іх выяўлення.
У красавіку 2021 года Генеральная пракуратура Беларусі пачала расследаванне аб «генацыдзе беларускага народу» ў перыяд Вялікай айчыннай вайны і пасляваенны час. Праз год, 23 чэрвеня 2022 года, генеральны пракурор Беларусі Андрэй Швед і кіраўнік расійскага Следчака камітэта Аляксандр Бастрыкін падпісалі пастанову аб стварэнні сумеснай следча-аператыўнай групы для расследвання генацыда.
З моманту адкрыцця справы супрацоўнікі пракуратуры і следчыя сапраўды пачалі актыўна працаваць у архівах, у тым ліку ў Дзяржаўным архіве Гродзенскай вобласці. Таксама вядома, што яны званілі старажылам і нават свякам нядаўна памерлых сталых людзей, каб распытаць пра ўспаміны часоў вайны.
З прыходам савецкай улады ў Гродна ў 1939 годзе гродзенская турма магла стаць месцам растрэлаў абаронцаў горада. Паводле ўспамінаў старажылаў, растрэльвалі таксама на Сабачай горцы, урочышчы Сакрэт і ў Пышках.
22 чэрвеня 1941 года, калі немцы атакавалі Савецкі саюз, кіраўніцтва турмы атрымала загад перад уцёкамі растраляць вязняў. Частку з іх паспелі забіць наўпрост у камерах, але адна з нямецкіх бомбаў, якая ўпала на турму, дазволіла іншым зняволеным збегчы.
У сакавіку 2022 года ў музеі Гродзенскай турмы адкрылі экспазіцыю прысвечаную генацыду беларускага народа ў часы Вялікай ачыннай вайны. Зараз, паводле выяўленых фактаў на турме плануюць усталяваць мемарыяльную таблічку ў памяць аб загінулых там жыхарах Гродна.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…