Навіны

На Юбілейнае возера вяртаецца аўтакінатэатр. Якія фільмы пакажуць і колькі гэта каштуе?

Побач з Юбілейным возерам распачнуцца летнія кінапаказы. Першае кіно на адкрытым паветры пакажуць у ўікэнд 10−12 чэрвеня. Цана білета — 2,5 рублі за чалавека. Пра гэта паведаміў «Вечерний Гродно».

Аўтакінатэатр. Ілюстрацыйнае фота. Крыніца: news.liga.net

Як гэта працуе

На пляцоўцы павесяць вялікі экран. Перад ім могуць прыпаркавацца аўтамабілі, з якіх наўпрост можна глядзець фільмы. Гук кіно транслюецца як з дапамогай калонак, так і праз радыёхвалі, на якія можна наладзіць прымач у аўто. Гледачы без аўтамабіля могуць размясціца на паляне перад экранам.

Якое кіно будуць пазаваць

10 чэрвеня — баявік «Кодэкс кіллера» (2021, Вялікабрытанія, ЗША)

Пра што фільм:

У 1991 году ў В’етнаме кілер падабраў дзяўчынку, вырашыў яе не забіваць, а зрабіць сваёй пратэжэ, і вывез з краіны. Праз 30 гадоў Ганна і Мудзі - выдатна спрацаваныя напарнікі, якія за немалую ўзнагароду «прыбяраюць засоры» па ўсім свеце. Для душы Ганна трымае краму калекцыйных кніг у Лондане і большую частку часу вядзе спакойнае нічым непрыкметнае жыццё, але аднойчы Мудзі просіць яе адшукаць аднаго чалавека, і неўзабаве сам гіне ад куль наёмных забойцаў. Расправіўшыся з дасланымі за ёй, Ганна вырашае знайсці тых, хто за гэтым стаіць, і адпомсціць за смерць настаўніка.

11 чэрвеня — камедыю «Адважныя аферысткі» (2021, ЗША)

Пра што фільм:

Коні і ДжоДжо — лепшыя сяброўкі, якія загразлі ў побыце і хатняй руціне. Але аднойчы яны прыдумляюць схему, як абменьваць купоны магазінаў на грошы, і ставяць гэта на паток. Цяпер у іх ёсць усё — моднае адзенне, дарагія аўтамабілі, прыватны самалёт. І ўсё было б як у казцы, калі б не два копы, якія спрабуюць злавіць адчайных хатніх гаспадынь і выкрыць іх хітрую афёру.

12 чэрвеня — фільм жахаў «Курорт» (2021, ЗША)

Пра што фільм:

Лекс займаецца вывучэннем паранармальных з’яў і ў якасці падарунка на дзень нараджэння атрымлівае паездку на закінуты астраўны курорт, які, як лічыцца, населены злоснымі зданямі. У кампаніі сяброў дзяўчына адпраўляецца на востраў, і, хоць, не ўсе ўдзельнікі гэтай вылазкі вераць у існаванне тагасветнага, хутка ім трэба пераканацца ў сваёй неправаце.

Пачатак сеансаў - 22:30

Чытайце таксама: Замест «Таямніц Дамблдора» паказваюць «Брат». Чым запаўняюць пусткі ў кінапракаце Гродна

З-за кінапаказаў раней адбываліся канфлікты з дачнікамі

Летняе аўтакіно на Юбілейным возеры працуе з 2004 года. З-за моцнага гуку ў мінулыя гады дачнікі неаднаразова канфліктавалі з арганізатарамі кінапаказаў.

Чытайце таксама: Раёны. Кварталы: Паляцелі на Юбілейку — загараць і купацца, пакуль лета не скончылася! (відэа з дрона)

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025