Мыючыя сродкі, парашкі і гелі некаторых гандлёвых марак забаранілі прадаваць у Беларусі. Сярод іх папулярны сродак для дзіцячай вопраткі «Ушастый нянь» і пральны парашок «Tide Автомат Яркие Цвета». Рашэнне пра забарону прыняў Дзяржстандарт. Інфармацыя пра забарону з’явілася на сайце «Опасная продукция», які вядзе Беларускі дзяржаўны інстытут стандартызацыі і сертыфікацыі.
Тавары, якія занесеныя ў спіс небяспечнай прадукцыі, забаронена прадаваць, увозіць у краіну, іх трэба выняць з абароту.
Якія пральныя сродкі забаранілі ў Беларусі?
- Сродак для прання дзіцячай бялізны парашкаваты «Ушастый нянь»
- Сродак мыючы сінтэтычны парашкаваты ўніверсальны «BiMAX 100 ПЯТЕН AUTOMAT»
- Сродак для прання вадкі - гель «SОRTI ПЯТНА НЕТ»
- Сродак для прання вадкі - гель «ЗАВОД БРАТЬЕВЪ КРЕСТОВНИКОВЫХЪ. ТРАДИЦИИ КАЧЕСТВА. ДЕТСТВО. COLOR»
- Сродак мыючы вадкі - гель для прання дзіцячай бялізны «Ушастый нянь»
- Сродак мыючы сінтэтычны парашкаваты «Tide Автомат Яркие Цвета»
Чытайце таксама: Санкции, ограничения и отмены. Чего лишилась Беларусь из-за российской агрессии против Украины
Чаму Дзяржстандарт забараніў пральныя парашкі?
У маркіроўцы сродкаў вытворцы пазначылі прызначэнне «для прання вырабаў у пральных машынах любога тыпу». Пры гэтым, паводле Дзяржстандарту, іх нельга прымяняць у пральных машынах з франтальнай загрузкай: паказальнік «пенаствараючай уласцівасці» перавышае норму.
Пры норме пенаўтварэння ў 180 мм мыючыя сродкі ўтваралі 212±6 мм.
