Фестиваль культур в 2018 году. Фото: Hrodna.life
У XIII Рэспубліканскім фестывалі нацыянальных культур у Гродне анансуюць удзел больш за 800 чалавек. Прадстаўнікі 31 нацыянальнасці арганізуюць 17 падворкаў, а сам фестываль працягнецца тры дні, як у 2018 годзе.
Фестываль пачнецца 3 чэрвеня. Прадстаўнікі нацыянальных дыяспар пройдуць шэсцем ад плошчы Леніна да Савецкай плошчы. Гэта будзе адно з самых яркіх і запамінальных падзей, сказала начальніца ўпраўлення культуры аблвыканкама Алена Клімовіч «Гродзенскай праўдзе». Пасля гэтага адбудзецца канцэрт — адкрыццё фестывалю.
Чытайце таксама: Как разместят национальные подворья на Фестивале культур в Гродно (схема)
У рамках фестывалю плануюць правесці гашэнне паштовай фестывальнай маркі і прэзентацыю кнігі «Сёстры Хатыні. Гродзеншчына». У кнізе сабраныя звесткі пра 309 населеных пунктаў Гродзенскай вобласці, пацярпелых падчас Вялікай Айчыннай вайны. Прэзентуюць выставачныя праекты «Адзінства народаў - залог Вялікай Перамогі» і «Беларусь — наш агульны дом».
Навінку — фестываль прыгажосці і грацыі - падрыхтуе рэжысёр з Віцебска Кірыл Селіванаў. Прадстаўніцы нацыянальных аб’яднанняў, якія ёсць у Беларусі, пакажуць нацыянальныя строі.
3 чэрвеня арганізатары плануюць адкрыццё Дома рыбака на вуліцы Замкавай. Таксама падчас фестывалю пройдзе ўрачыстае адкрыццё скульптуры на вуліцы Тэльмана, прысвечанай фестывалю.
У 2022 годзе ўпершыню арганізуюць круглы стол «Беларусь — наш агульны дом: адзінства нацый і пакаленняў». На ім у галерэі Тызенгаўза збяруцца кіраўнікі 21 Нацыянальнага аб’яднання.
Чытайце таксама: «Ночь музеев 2022»: куда пойти или поехать в Гродненской области
Другі фестывальны дзень пачнуць на плошчы Леніна на беларускім падворку. Там, як і ў 2018 годзе, прадставяць усе рэгіёны Беларусі. Усяго падворкаў будзе 17: некалькі невялікіх дыяспар аб’яднаюць. Самі падворкі размесцяць паміж гродзенскімі плошчамі Савецкай і Леніна.
Увесь дзень будзе працаваць рамесны кірмаш «Горад майстроў», адбудуцца канцэрты, спартыўныя спаборніцтвы, флэш-мобы і колар-фэст. На галоўнай сцэне гродзенцаў чакае канцэрт ансамбля «Песняры» і Аляксандр Саладуха.
Трэці дзень фестывалю, як і ў 2018 годзе, пройдзе на Аўгустоўскім канале. Яго сумесна рыхтуюць Гродзенскі райвыканкам і ўпраўленне культуры аблвыканкама, расказала Алена Клімовіч БелТА.
У першай палове дня пройдзе канцэрт калектываў аматарскай творчасці Гродзенскай вобласці, рэгіянальны фестываль-конкурс харэаграфічнага мастацтва, выступленне народнага ансамбля танца «Крыжачок». Таксама на Аўгустоўскім арганізуюць фестываль страў беларускай кухні Гродзеншчыны з дэгустацыямі і майстар-класамі.
Чытайце таксама:Драники и бабку из-под Гродно признали историко-культурной ценностью. Что это даст в практике и почему забыли про кишку?
Адбудзецца фестываль рыбнай лоўлі «Рыбалка па-беларуску», будуць працаваць выставы, кірмаш, атракцыёны і інтэрактыўныя пляцоўкі. Будзе пляцоўка ад БРСМ, якой нададуць «большую ўвагу», чым звычайна, спартыўная пляцоўка і прадстаўленне сілавога экстрыму. Можна будзе далучыцца да экскурсіі і пакатацца на цеплаходзе па Аўгустоўскім канале.
Адкрыццё фестывалю будуць трансляваць па СТБ, прамыя ўключэнні з мерапрыемстваў арганізуе «БелТА», плануецца прэс-цэнтр.
Упершыню ў фестывалі прыме ўдзел дыяспара Манголіі. У сувязі з гэтым на алеі Дружбы ў Каложскім парку пасадзяць новае дрэва.
Фестываль нацыянальных культур традыцыйна праводзіцца ў Гродне раз на два гады з 1996 года. У фестывалі ў 2018 годзе ў Гродне ўдзельнічалі прадстаўнікі 36 нацыянальнасцяў. У той жа год адкрылі культурны цэнтр «Фестывальны» на Тэльмана. Чарговы фестываль павінен быў адбыцца ў 2020 годзе ў 13-ы раз. Яго вырашылі перанесці на год праз каранавірус. У 2021 у Гродне яго зноў вырашылі не праводзіць. Праўда, у верасні 2021 яго адкрыццё зладзілі на Дзень горада ў Мінску з удзелам 25 нацыянальнасцяў. Летась фестывалю споўнілася 25 гадоў.
Чытайце таксама:
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…