Навіны

7-класнік з Гродна пабудаваў у Minecraft танк Т-34−85 — як на Савецкай плошчы

Вучань 7 класа гродзенскай школы № 35 Улад Герасімовіч ужо год стварае пабудовы ў Minecraft. Сярод аб’ектаў - помнік воінам-вызваліцелям у Гродне ў выглядзе танка Т-34−85. Як гэта манетызаваць і як гульня развівае, школьнік распавёў Hrodna.life.

На Youtube-канале «Smollsie» хлопец паказвае, як стварае пабудовы ў гульні Minecraft. Ён ужо пабудаваў трохмачтавы фрэгат і трохмачтавы рбыг, танк САУ, гоначны балід з Формулы-1, грузаперавозачны карабель, ваенны джып, верталёт Мі-8, фуру дальнабойшчыка, БелАЗ, праваслаўную царкву, ваенную машыну для перавозкі салдат.

Minecraft — камп’ютарная індзі-гульня ў жанры «пясочніца», створаная ў 2009 годзе. Свет гульні цалкам складаецца з квадратных блокаў. Гульцы здабываюць рэсурсы, каб будаваць дамы, замкі і цэлыя гарады. Абмежаванняў у Minecraft фактычна няма, акрамя вышыні ўзроўню.

Ёсць і гродзенскія аб’екты: помнік воінам-вызваліцелям — танк Т-34−85 на пастаменце. Таксама Улад пабудаваў Эйфелеву вежу, старажытнагрэцкі храм і карабель «Тытанік».

 — Усе гэтыя аб’екты існуюць у наш час, — адзначыў хлопец у размове з Hrodna.life. — У планах у мяне стварыць карабель Britannic, яхту, самалёт.

Улад Герасімовіч з Алёнай Ланской. Фота: героя

«Тытанік» за тры дні

На стварэнне аб’ектаў у хлопца сыходзіць ад дзвюх гадзін да аднаго дня. На стварэнне «Тытаніка» сышло больш за тры дні. Для стварэння аб’екта ў першую чаргу трэба вывучыць дэталі будучага будынка, разгледзець аб’ект на фотаздымках, а потым ужо займацца будаўніцтвам, гледзячы на фатаграфіі, распавёў Уладзімір.

 — Свайго ўзроўню я дасягнуў дзесьці за год сталай працы ў Minecraft. Каб дасягнуць такога ўзроўню, як у мяне, патрэбныя уседлівасць, старанне і вольны час, — лічыць школьнік. — На маю думку, пабудовы — гэта вельмі захапляльна. Гэта развівае ўяўленне і дае магчымасць фантазаваць пры стварэнні будынка з розных блокаў.

Мяркуючы па Instagram, хлопец таксама захапляецца падарожжамі, хадзіў на адкрыццё мотасезона і канцэрт Алёны Ланской, распавядаў пра сваё захапленне Minecraft на тэлебачанні. У каментарах яго нават просяць навучыць сына будаваць гэтак жа.

Ваенная машына для перавозкі салдат. у Minecraft. Скрыншот Hrodna. life

Як атрымаць за гэта грошы?

Захапленне можна манетызаваць — напрыклад, праводзячы трансляцыі на Youtube, будуючы за пэўную суму даната пазначаны ў ім аб’ект, распавёў Улад.

Пры жаданні аб’екты можна спампаваць. Таксама іх можна паглядзець у праграме і нават прайсціся «ўнутры».

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025