У мястэчку Пагранічны адкрылі накапляльнік для грузавых і легкавых аўтамабіляў. Гэта звязана з частымі парушэннямі чаргі да пункту пропуска “Бераставіца” на беларуска-польскай мяжы. Пра гэта паведаміў “АвтоГродно”.
Накапляльнік для аўтамабіляў арганізавалі на тэрыторыі мясцовага прадпрыемства, побач з уездам у Пагранічны з боку Вялікай Бераставіцы і Ваўкавыска. Зараз, калі паехаць да мяжы без рэгістрацыі, кіроўцу развернуць і вернуць на пляцоўку, каб ён дачакаўся сваёй чаргі.
На пункце пропуску “Бераставіца” увялі элекронную чаргу
UPD: Зараз патрапіць на пункт пропуска можна толькі пасля электроннай рэгістрацыі. Яе трэба здзейсніць на стаянцы-накапляльніку. Гэта тычыцца грузавых і легкавых аўтамабіляў.
Кіроўца не можа адразу ехаць на мяжу. Па ўказальніках трэба заехаць у накапляльнік. Перад шлагбаўмам сістэма счытае нумары аўтамабіля і іх зарэгіструе іх у базе. Пасля гэтага, кіроўца павінен чакаць сваёй чаргі. Калі прыйдзе час, нумар кіроўцы высвяціцца на табло і кіроўца можа выязжаць да пункта пропуску. Ён павінен даехаць за 30 хвілін. Калі кіроўца не паспее, яму зноў трэба прайсці працэдуру рэгістрацыі і чакання.
Акрамя гэтага, кіроўцам прапануюць скарыстацца платнай паслугай – забранаваць канкрэтны час перасячэння мяжы. Цана на такую паслугу 32 рублі, паведаміў Sputnik Belarus.
Навошта стварылі накапляльнік?
Грузавікам забаронена стаяць на вуліцах суседняга з пунктам пропуску мястэчка Пагранічы. З-за гэтага чарга абрываецца ў населеным пункце і працягваецца пасля яго. Гэтым карысталіся некаторыя кіроўцы, якія аб’язджалі такім чынам калег, што стаяць перад мястэчкам.
Спачатку для вырашэння праблемы кіроўцы звярнуліся да супрацоўнікаў ДАІ. Але інспектары сказалі, што іх абавязак — кантраляваць бяспеку руху і правяраць, каб ніхто не стаяў уздоўж вуліц у Пагранічным. Тады ў лютым 2022 года каля пункта пропуска «Бераставіца» кіроўцы вялікагрузаў выйшлі на дарогу, каб самастойна рэгуляваць рух аўтамабіляў.
Чытайце таксама:
- На мяжы з Польшчай дальнабойшчыкі выйшлі на дарогу і хочуць самі рэгуляваць рух. З-за чаго гэта адбылося?
- Чарга грузавікоў з польскага боку мяжы расцягнулася на 80 гадзін. З чым гэта звязана?
