Старшыня непрызнанага беларускімі ўладамі Саюза палякаў Беларусі Анжаліка Борыс на волі, паведаміў Юрый Васкрасенскі - стваральнік так званага «Круглага стала дэмакратычных сілаў», які падтрымлівае афіцыйную ўладу. Зараз Борыс знаходзіцца пад Адэльскам.
«Паводле маёй інфармацыі, вызваленне Анжалікі Борыс з’явілася вынікам эфектыўнага ўзаемадзеяння дыпламатаў дзвюх краін і рашэннем прэзідэнта Рэспублікі Беларусь. Пасля такога міласэрнага рашэння хочацца спадзявацца на пачатак нармалізацыі адносін паміж польскім і беларускім бокам», — удакладніў Васкрасенскі крыху пазней.
Анжаліка Борыс нібыта была ў другой сотні «спісу Васкрасенскага» — спісу для разгляду на прадмет памілавання людзей, асуджаных па палітычных матывах.
Анжаліцы Борыс змянілі меру ўтрымання і вывезлі з жодзінскай турмы ў Гродна. Зараз яна знаходзіцца пад Адэльскам у сваёй маці. Борыс забаронена камунікаваць, распавяла крыніца Hrodna.life. З просьбай вызваліць дачку да Аляксандра Лукашэнкі звярнулася маці Анжалікі Борыс, расказаў Марэк Занеўскі, намеснік старшыні Саюза палякаў.
У зняволенні ў Борыс моцна пагоршылася здароўе, яна мела патрэбу ў тэрміновай кансультацыі лекара, ультрагукавым даследаванні і аналізах, паведамлялі СМІ ў канцы лістапада 2021 года. Аб пагаршэнні здароўя Анжалікі Борыс казалі яшчэ ў чэрвені. У сувязі з гэтым яна пагадзілася на выезд з Беларусі, які ёй прапаноўвалі раней. Але яго прыпынілі, каб шантажаваць гродзенскага журналіста Анджэя Пачобута, які адмовіўся ад выезду. Пра гэта паведамляла Агнешка Рамашэўская, дырэктарка аднаго з польскіх тэлеканалаў, са спасылкай на свае крыніцы.
Анжаліку Борыс затрымалі 23 сакавіка 2021 года ў Гродне па так званай «справе палякаў». У сакавіку 2021 года беларуская пракуратура распачала крымінальную справу за ўшанаванне антысавецкіх дзеячаў. МЗС Беларусі выслала з краіны консула ў Брэсце Ежы Цімафеюка, а пасля і генеральнага консула Гродна Яраслава Ксёнжыка.
Анжаліку Борыс спачатку асудзілі на 15 сутак, але пасля не выпусцілі з-пад варты. Журналіста і актывіста Саюза палякаў Анджэя Пачобута затрымалі у Гродне 25 сакавіка 2021 года. Абоіх лідараў польскай меншасці абвінавачвалі па артыкуле 130 Крымінальнага кодэкса (Распальванне расавай, нацыянальнай, рэлігійнай альбо іншай сацыяльнай варожасці). Ім пагражае ад 5 да 12 гадоў зняволення. Іх прызналі палітвязнямі. Пачобут таксама мае праблемы са здароўем.
Трох іншых фігурантак «польскай справы» вывезлі ў Польшу ў канцы траўня 2021 года. Гэта Ганна Панішава і прадстаўніцы грамадскіх польскіх школ у Лідзе і Ваўкавыску Ірэна Бернацкая і Марына Цішкоўская. Перад гэтым ім далі падпісаць дакументы пра змену меры стрымання. Ірэна Бернацкая распавяла, што яе вывезлі ў машыне без нумарных знакаў, а пашпарт застаўся ў дачкі ў Лідзе.
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…