Фото: pixabay.com
З 28 сакавіка ў Польшчы здымаюць абмежаванні, звязаныя з каранавірусам. Адмяняюць абавязковы каранцін і самаізаляцыю для тых, хто пражывае з хворымі, і каранцін для тых, хто прыехаў з-за мяжы. Таксама адменяць масачны рэжым у памяшканнях, акрамя медустаноў.
Пра зняцце абмежаванняў паведаміў міністр аховы здароўя Польшчы Адам Нядзельскі. У выпадку пагаршэння сітуацыі абмежаванні могуць вярнуць.
Пра тое, што кіраўнік ведамства прыме такое рашэнне, неафіцыйна казалі ўжо тыдзень, піша Tvn.pl. Па словах Адама Нядзельскага, можна назіраць выразную тэндэнцыю да зніжэння колькасці тых, хто захварэў. Сярэдні лік штодзённых новых выпадкаў упаў ніжэй за 10 тысяч. Да 28 сакавіка працягваюць дзейнічаць усе абмежаванні.
Ад абавязковага нашэння масак у памяшканнях збіраюцца адмовіцца і ў Літве, піша Delfi.lt. гэта павінна адбыцца ў красавіку, паведаміў віцэ-міністр аховы здароўя Літвы Аўшра Білатэне-Матэюнене.
Нашэнне масак можа застацца рэкамендацыяй. Абавязковы масачны рэжым могуць пакінуць толькі ў сферы аховы здароўя, ва ўстановах апекі і паліятыўнага догляду, у грамадскім транспарце.
Абмежаванні на перасячэнне мяжы Беларусі і Расіі знялі з 18 сакавіка. Гэтая мера дазволіць грамадзянам Беларусі прасцей выязджаць у іншыя краіны транзітам праз Расію. Напрыклад, у Латвію, куды беларускія памежнікі без асаблівай падставы не выпускаюць.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…