Навіны

Кафэ з тэрасай на даху пачалі будаваць ля ўваходу ў Пышкі. Але сёлета адпачыць там не атрымаецца (абноўлена)

Побач з уваходам на Сцежку здароўя ў Пышках пачалі будаваць рэстарацыю з летняй тэрассай на даху. Будаўніцтва плануюць скончыць да вясны 2023 года. Пра гэта паведаміла газета «Вечерний Гродно».

Будаўніцтва новай кропкі харчавання каля Пышкоў. Крыніца: «Вечерний Гродно»

На ўчастку ўжо вырылі катлаван. Сам будынак будзе двухпавярховы з плоскім дахам. Там павінны размясціць летнюю тэрасу, на якой будуць сталы і шэзлонгі. Раней на гэтай пляцоўцы ў летні перыяд размяшчаўся фургон з фастфудам.

UPD: Таксама на тэрыторыі новага аб’екта арганізуюць фуд-корт з рознымі накірункамі. Ад традыцыйнага стрыт-фуда да марозіва і здаровага харчавання. У залах на кожным паверсе будуць адкрытыя тэрасы. Пад навесамі размясцяць сталы, крэслы, канапы і шэзлонгі.

Будынак спраектавалі такім чынам, каб з любога месца можна было ўбачыць парк, напісаў «NewGrodno».

Участак набыла на аўкцыёне гродзенская кампанія «Пинса». Уладальнік фірмы Андрэй Рыжкоў пакуль не кажа, будзе гэта кафэ ці рэстаран.

Колькі навабудаў будзе ля Пышкоў

Побач з гэтай кропкай харчавання пабудуюць яшчэ адну. Права арэнды ўчастка на вуліцы Болдзіна, таксама ля ўваходу на сцежку здароўя, прадалі 15 сакавіка. Пакупнік — бізнесовец з Мінска. Ён адмовіўся расказаць, што плануе пабудаваць. Па ўмовах аўкцыёна там павінны пабудаваць кропку грамадскага харчавання альбо бізнес-цэнтр. Вышыня будынка не павінна перавышаць 4,5 метры. Зараз на гэтым месцы паркуюць аўто.

Чырвоным пазначана месца дзе пачалося будаўніцтва кропкі харчаваня. Сінім — участак які набылі на аўкцыёне 15 сакавіка. Скрыншот: Гродзенскі цэнтр нерухомасці.

Яшчэ адзін участак паміж вуліцамі Вясенняй і Фествальнай пачалі забудоўваць восенню 2021 года. Там таксама запланаваны бізнес-цэнтр з рэстаранам. Крыху далей, бліжэй дома № 19 на Вясенняй, плануецца пабудаваць трохпавярховы офісны будынак.

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025