Навіны

Тытунёвая фабрыка плануе выпускаць папяровыя стаканчыкі: па 316 тысяч у суткі

ГУП «Тытунь», заснавальнікам якога з’яўляецца Гродзенская тытунёвая фабрыка «Нёман», плануе вырабляць аднаразовыя папяровыя кубачкі. На станок па іх вытворчасці прадпрыемства плануе выдаткаваць 2 млн рублёў. Пра гэта стала вядома з сайта дзяржзакупак.

Папяровы кілішак з кавай.Ілюстратыўнае фота. Крыніца: Lex Sirikiat. unsplash.com

«Тытунь» шукае лінію па вытворчасці і запакоўцы аднаслойных аднаразовых папяровых стаканчыкаў. Яна павінна прадукаваць да 220 стаканчыкаў у хвіліну. Мінімальная хуткасць — 170 у хвіліну.

У закупачную цану ўключылі шэф-мантаж, пуска-наладачныя працы, запчасткі, навучанне супрацоўнікаў і здачу ў эксплуатацыю. Паставіць лінію павінны да 1 чэрвеня 2022 года.

Чым займаецца «Тытунь»

Гандлёвае прадпрыемства «Тытунь» стварыла ў канцы 2013 года Тытунёвая фабрыка «Нёман». Спачатку прадпрыемству належалі кіёскі «Табакерка», што масава пачалі з’яўляцца ў Гродне і іншых гарадах Беларусі ў 2014−2015 гадах. Але ў снежні 2017-га на нарадзе ў Аляксандра Лукашэнкі было вырашана, што сеткай кіёскай павінна валодаць кампанія «Энерга-Оіл» Аляксея Алексіна. Кіёскі перадалі ёй у арэнду.

Зараз, згодна з інфармацыяй на сайце кампаніі, «Тытунь» валодае праектным бюро, медычным цэнтрам, аказвае паслугі паліграфіі, экспедыцыі і клінінгу.

Якія яшчэ праекты хоча запусціць тытунёвая фабрыка

Тытунёвая фабрыка «Нёман» у чэрвені 2021 года вырашыла пабудаваць каскадныя сажалкі для гадавання фарэлі. Іх планавалі зрабіць у Пышках у прыбярэжнай зоне Нёмана. Але пакуль не знайшлося пастаўшчыка перадпраектнай дакументацыі.

Таксама тытунёвая фабрыка плануе пабудаваць ля Альшанкі тыпаграфію для друку абгортак для пачкаў цыгарэт. Будаўніцтва запланавана на 2022 год. Абсталяванне і сыравіну плануюць імпартаваць, бо вытворчасці патрэбных у Беларусі няма. Прыкладнаца цана праекта — $ 30,5 млн.

Чым яшчэ «няпрофільным» займаецца тытунёвая фабрыка?

Тытунёвая фабрыка «Нёман» вырабляе бытавыя маскі, перавозіць грузы, валодае гасцініцай «DRIVE-HOTEL», базай адпачынку «Привал», паляўнічай гаспадаркай і рыбалоўнай гаспадаркай у структуры аграэкатурыстычнага комплексу «Белый Лось».

Чытайце таксама:

Ш — Шарашэўскі. 5 фактаў пра заснавальніка тытунёвай фабрыкі ў Гродне

Тытунёвая фабрыка «Нёман» спадзяецца знайсці замену сыравіне з ЕС у Кітаі

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025