У Гродне памёр літаратуразнаўца, прафесар Аляксей Пяткевіч (абноўлена)

Прафесар Аляксей Міхайлавіч Пяткевіч памёр у пятніцу, 11 сакавіка. 30 сакавіка яму мусіў споўніцца 91 год. Развітанне пройдзе 14 сакавіка.

Пра смерць прафесара паведамілі ў «Гарадзенскай суполцы роднай мовы» ў Facebook.

Развітанне з прафесарам Аляксеем Пяткевічам пойдзе ў Гродне 14 сакавіка, а 9.45 у двары дома па вуліцы Горкага, 78. Затым з 10 па 11.45 — развітанне ў Вольгінскай царкве на тэрыторыі Свята-Пакроўскага сабора. Да 12.30 адбудзецца адпяванне ў Свята-Пакроўскім саборы.

Аляксей Міхайлавіч будзе пахаваны на Радзіме, у мястэчку Новы Свержань Стаўбцоўскага раёна, піша «Будзьма беларусамі».

Аляксей Пяткевіч быў літаратуразнаўцам, краязнаўцам, літаратурным крытыкам, сябрам «Саюза беларускіх пісьменнікаў» з 1971 года. Кандыдат філалагічных навук (1963 год), прафесар (1994 год), ганаровы сябра Міжнароднай асацыяцыі беларусістаў (2006). Былы кіраўнік гродзенскай гарадской арганізацыяй Таварыства беларускай мовы.

Ён нарадзіўся ў вёсцы Новы Свержань (Стаўбцоўскі раён). Скончыў філалагічны факультэт БДУ і аспірантуру. З 1978 года быў дацэнтам кафедры беларускай літаратуры, з 1990 — дацэнт кафедры беларускай культуры Гродзенскага дзяржаўнага ўніверсітэта імя Янкі Купалы. Таксама Аляксей Пяткевіч быў сябрам Міжнароднага купалаўскага Фонду (1997), узнагароджаны дзяржаўнымі медалямі.

Прафесар — аўтар 527 літаратурна-крытычных і культуралагічных работ, сярод іх 16 кніг («Наднёманскія былі», «Гісторыя беларускай дакастрычніцкай літаратуры», «Сюжэт. Кампазіцыя. Характар. Аб прозе К.Чорнага», «Гісторыя беларускай літаратуры. Х1Х — пач. ХХ стагоддзя», «Пісьменнікі прынёманскага краю. Гродна. Таварыства аматараў кнігі» ды іншыя).

Рэдакцыя Hrodna.life выказвае спачуванне родным і блізкім.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025