Навіны

На Ажэшкі спілавалі старыя каштаны. Ці высадзяць замену?

У час рамонту вуліцы Ажэшкі на ёй спілавалі старыя каштаны. На адным з бакоў праезнай часткі пачалі мяняць камунікацыі і дзеля гэтага высеклі дрэвы. Прадугледжана, што ў межах добраўпарадкавання высадзяць замену, паведаміў тэлеграм-канал «Urban Hrodna».

Спілованыя каштаны на вуліцы Ажэшка. Крыніца: Тэлеграм-канал «Urban Hrodna»

Комплекснае добраўпарадкаванне на вуліцы Ажэшкі пачалі ў студзені 2022 года. Яно адбываецца на ўчастку паміж вуліцай Леніна і прывакзальнай плошчай. Паводле плану павінны адрамантаваць і часткова замяніць усе наземныя і падземныя камунікацыі. Пасля — памяняць асфальт, высадзіць новыя дрэвы, хмызнякі і кветкі.

Рух па гэтым фрагменце вуліцы Ажэшкі перакрыты з 21 лютага да 29 красавіка 2022 года.

Хворыя каштаны планавалі ратаваць

У 2020 годзе па праграме Еўрасаюза «Латвія, Літва, Беларусь» у Гродне планавалі рэалізаваць праект «Эфектыўныя экалагічныя рашэнні на памежных тэрыторыях». Яго мэтай было абараніць каштаны ад молі пястранкі, якая шкодзіла гарадскім дрэвам. У Гродне ёю былі заражаны каля 2000 дрэваў. Цану праекта для Гродна ацэньвалі амаль ў € 400 тыс.

Вуліца Ажэшкі 1975 год. З калекцыі паштовак. Крыніца: oldgrodno.by

Як каштаны сталі візітоўкай Гродна

Каштаны ў Гродне пачалі саджаць пры старасце Антоніі Тызенгаўзе. У гэтым прымаў удзел запрошаным ім з Францыі батанік Жан Эмануэль Жылібер. У спальным раёне на вуліцы Рэпіна некаторыя каштаны з выразна сфармаванай кронай пражылі 250 гадоў, перш чым іх спілавалі. Каля 150 год пратрымаўся «каштан Ажэшкі».

Зараз некалькі самых старых каштанаў можна знайсці ў парку Жылібера, паблізу — у даліне ручая Юрыздыкі каля вуліцы Міцкевіча, а таксама ў скверы побач з Савецкай плошчай — сафіеўскія каштаны. Іх саджалі абапал Сафійскага сабору, або Фары Вітаўта. Цэлыя алеі каштанаў пачалі саджаць масава ўжо ў савецкія часы пасля Другой сусветнай.

На фотаздымку 1980-х гадоў каштаны на вуліцы Ажэшкі ўжо былі вялікімі дрэвамі. Крыніца: oldgrodno.by

Чытайце таксама:

Падзяліцца

Апошнія запісы

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025