Рамонт Румлёўскага моста. Фота: Сяргей Марозаў
Выпрабаванне маста па праспекце Кляцкова ў Гродне плануюць правесці з 14 па 17 лютага. Абследаваць будуць надапорныя сячэнні № 6, 7, 8 і пралётныя збудаванні. Гэта стала вядома з сайта дзяржзакупак. На дадзены момант мост рамантуюць.
Пасля выпрабаванняў выдадуць заключэнне аб тэхнічным стане будаўнічых канструкцый з рэкамендацыямі па ліквідацыі выяўленых дэфектаў і віду рамонтных работ.
Дзяржзакупку праводзіла Гродзенская гарадская жыллёва-камунальная гаспадарка. Арыенціровачны кошт — 33 100 рублёў з бюджэтных сродкаў. Закупка з адной крыніцы завяршылася 3 лютага. Інфармацыі аб тым, хто будзе праводзіць выпрабаванне, пакуль няма. На дзяржзакупку пра запыт цэнавых прапаноў паступіла адна заяўка ад Рэспубліканскага даччынага унітарнага прадпрыемства «Беларускі дарожны навукова-даследчы інстытут «БелдарНДІ».
Рамонт маста пачалі 10 студзеня 2022 года. Для руху аўтамабіляў мост не перакрылі цалкам, толькі адну палову. Падчас рамонту плануюць замяніць агароджу на ўсім мосце, разабраць тратуар і пакласці новы асфальт, а таксама зрабіць новы дарожны борт. Акрамя гэтага, плануюць замяніць дэфармацыйныя швы. Ідэі рэканструкцыі Румлёўскага, старога і Новага мастоў абмяркоўваліся яшчэ ў 2018 годзе. З моманту ўвядзення ў эксплуатацыю ў 1986 годзе мост ні разу не рэканструявалі і не праводзілі на ім капітальнага рамонту.
Гарадзенскі фатограф Сяргей Марозаў зняў будоўлю з дрона і падзяліўся фотаздымкамі з чытачамі «АвтоГродно». Па здымках відаць, што будаўнікі ўжо разабралі большую частку тратуара і парэнчаў на закрытым баку Румлёўскага маста. Пад тратуарам агаліліся камунікацыі, іх таксама будуць перакладаць. З боку АЗС будаўнікі пачалі ўсталёўваць на мосце часовыя падпоркі. Для гэтага будаўнікі спускаюцца пад мост у калысцы спецтэхнікі.
Чытайце таксама:
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…
На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…