Навіны

«Акт членашкодніцтва» альбо чэрапна-мазгавая траўма? Расследванне аб смерці Вітольда Ашурка з’явілася на YouTube

Фільм з новымі падрабязнасцямі смерці палітвязня Вітольда Ашурка 27 студзеня апублікавалі на YouTube канале «Альянс раследвальнікаў Беларусі». У паўгадзінным відэа аўтары разам са спецыялістамі, сваяком і сябрам Ашурка называюць імаверную прычыну смерці зняволенага. Hrodna.life сабраў асноўныя тэзісы раследавання.

Вітольд Ашурак. Фота: профіль героя ў Facebook

Ашурку давалі лекі альбо псіхаактыўныя рэчывы

Судмедэкспертка Надзея Гурмачнук лічыць, што прычынай падзення Вітольда Ашурка на відэа Следчага камітэта маглі быць лекі альбо псіхаактыўныя рэчывы. Яны маглі спрацаваць як снатворнае ці супакаяльнае. Гэта мог быць дыязепам альбо кланазепам. Такія прэпараты даюць зняволеным вельмі рэдка. Напрыклад, калі ёсць праблемы са сном.

У судмедэксперкткі ўзнікла пытанне, чаму Ашурка пасля падзення не змясцілі ў медычную ўстанаву, а толькі апрацавалі рану. Па версіі Следчага камітэта, зняволены сам адмовіўся ад гаспіталізацыі. Гэта дзіўна, бо ў медычнай установе калоніі ўмовы значна лепшыя, чым у ШЫЗА.

Ці рабіў Ашурак «акт членашкодніцтва»

У журнале рэгістрацый інфармацыі аб злачынствах і здарэннях факт падзення засведчаны толькі праз восем гадзін пасля здарэння 20 траўня, гэта за дзень да афіцыйнага дня смерці палітвязня. Падзенне пазначана як «акт членашкодніцтва». Але на думку Гурманчук, на відэа бачна, як Ашурак спрабуе захаваць раўнавагу і ўтрымацца на нагах. Таму яна лічыць, што гэта няпраўда.

«Калі б яму аказалі сваечасовую дапамогу, ён бы, напэўна, не памёр», — сказала Гурманчук у раследаванні.

Верагодна, кіраўніцтва калоніі хацела зняць з сябе адказнасць

У журнале зафіксавалі, што рэанімаваць Ашурка спачатку спрабавала лекарка-тэрапеўтка Таццяна Разенкова. Паводле запісу, Ашурка знайшлі ў памяшканні камернага тыпу без прытомнасці 21 траўня ў 15:36. Рэанімацыйныя дзеянні пачаліся праз хвіліну. У 15:40 выклікалі хуткую дапамогу, якая прыехала праз 10 хвілін. У 16:10 лекары зафіксавалі клінічную смерць Ашурка ў машыне хуткай дапамогі, а ў 16:42 — біялагічную смерць.

Па версіі аўтараў фільма, машыну хуткай дапамогі выклікалі спецыяльна, каб зняць з сябе адказнасць за смерць Ашурка.

Сваякі дасюль не ведаюць вынікаў эксперты

Судовая медычная экспертыза па факце смерці чалавека, па словах Гурмачнук, доўжыцца не больш за 30 дзён, часам яе могуць працягнуць, але на невялікі тэрмін. Дадатковую экспертызу не прызначаюць пакуль не скончыцца першая. Але па факце смерці Вітольда Ашурка дасюль невядомы вынікі першай экспертызы.

Старшы следчы УСК па Магілёўскай вобласці Павал Старыкаў, які займаўся выпадкам смерці Ашурка, не даваў сваякам ніякай інфармацыі пра ход следства, а потым перастаў адказваць на тэлефанаванні.

Якой магла быць прычына смерці

На момант этапавання ў шклоўскую калонію Вітольд Ашурак быў здаровы. Але аўтары фільма лічаць, што за час карантыну і знаходжання ў ШЫЗА яго давялі да знясілення.

На падставе той інфармацыі, якая ёсць на дадзены момант, судмедэкспертка Гурманчук думае, што Ашурак мог памерці ад чэрапна-мазгавой траўмы. Але сцвярджаць упэўнена пра гэта пакуль нельга.

Чытайце таксама:

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025