Навіны

Рыбалка ў фантане, капусны боўлінг і «Цукровыя гульні»: цікавыя моманты з Дажынак у Скідзелі

На святкаванні Дажынак Гродзенскай вобласці сёлета вудзілі рыбу ў фантане, гулялі ў боўлінг капустай і ладзілі «Цукровыя гульні». Свята прайшло 25 жніўня ў Скідзелі. Hrodna.life сабраў незвычайныя моманты абласных Дажынак.

На суботнім канцэрце выступалі спеўныя калектывы з розных раёнаў вобласці. У цэнтральным скверы зладзілі выставу-кірмаш ад рамеснікаў, установаў і мясцовага лясгасу. Былі і ўжо звыклыя для беларускіх святаў частаванне «салдацкай» кашай ды медыцынскі гарадок. Не абышлося без тэматычнай пляцоўкі, прысвечанай 76-годдзю перамогі ў Вялікай Айчыннай вайне.

Падворак Астравецкага раёна
«Кола цудаў» ад Смаргонскага раёна
На падворку Шчучыншчыны чакалі дзіўныя дзеці

Удзельнікі свята таксама спаборнічалі, хто хутчэй пранясе шэсць мяхоў цукру. Конкурс ад Скідзельскага цукровага камбіната назвалі «Цукровыя гульні», паведамляе «Гродзенская праўда». Яшчэ адна актыўнасць — з саломы зрабілі лабірынт, а ў ім — боўлінг з капусты.

Быў на свяце і традыцыйны ўжо для гарадскіх мерапрыемстваў «медыцынскі гарадок». Там лекары мералі ціск і цукар у крыві проста на вольным паветры. Можна было пракансультавацца і ў псіхатэрапеўта, расказала «Гродзенскай праўдзе» спецыялістка Гродзенскага занальнага цэнтра гігіены і эпідэміялогіі Ірына Копач.

Што гэта за свята — Дажынкі?

Само свята Дажынак — не новае. Згадкі пра яго сустракаюцца з XII стагоддзя, даследчыкі мяркуюць, што яно магло існаваць з пачатку земляробства. Свята мела і іншыя назвы: Багародзіца, Першая Прачыстая, Вялікая Прачыстая, Гаспажа, Зялёная, Зельная, Талака. Яно было прысвечана сканчэнню жніва, адпаведна, і адзначалі яго раней, чым зараз, і па-іншаму. Перад Дажынкамі былі Зажынкі - калі шанаваная гаспадыня зажынала першы сноп, побач клалі хлеб і соль. З першых зжатых калоссеў рабілі адмысловы пояс, каб не балела спіна ў час працы.

Сярод традыцый Дажынак — пакідаць на полі крыху нязжатых калоссеў («завіць бараду»). У некаторых рэгіёнах «бараду» маглі ўпрыгожваць кветкамі. Абіралі жняю, якая несла апошні сноп ці вянок з калоссеў у хату гаспадара, а той частаваў жнеек. Усе этапы жніва суправаджалі пэўнымі рытуаламі і абрадавымі спевамі. Першы сноп захоўвалі на покуці, апошні маглі ўпрыгожваць хусткай, надавалі яму надзвычайныя ўласцівасці. Была традыцыя качацца па сжатым полі - лічылі, што так можна адлекаваць спіну, забраць назад аддадзеную полю моц.

Читайте также: В Скиделе хотели установить беседу к Дожинкам. Но потом передумали

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025