Фёдар Астаповіч. Фота: сацсеткі героя
Блогер і фельчар хуткай дапамогі з Гродна Фёдар Сумкін (Астаповіч) з сям’ёй з’ехаў з Беларусі. Цяпер яны будуюць жыццё ў Польшчы. Пакінуць у Гродне давялося рамонт, планы аб кавярні і сабаку Карыцу. Пра гэта ён з жонкай распавялі ў stories свайго Instagram 17 верасня.
Фёдар з сям’ёй пераехаў жыць у Польшчу. Мяркуючы па адказам у stories, цяпер яны на карантыне. Жонка Фёдара Святлана расказала, што яны ўжо праехалі «шмат краін» і пакуль спыняліся ў сяброў. Святлана дадала, што праехала за рулём каля 3 000 км.
«Я жонка дзекабрыста. Мне далі пару гадзін на зборы. Я сабралася і паехала. Без пытанняў, без спрэчак, без шкадавання», — напісала ягоная жонка Святлана на старонцы ў адказ на пытанне «Чаму такі экстраны пераезд?».
— Мы паехалі ў невядомасць. У нас няма прац, у нас няма кватэры і мы наогул не ведаем, у якім горадзе нам абжыцца, — распавяла жонка Фёдара. Ён дадаў, што «ведае, што ўсё будзе добра. У каго ёсць якія прапановы аб працы ў Польшчы, можаце пісаць».
На пытанне «Як адважыліся на пераезд?», сям’я адказала: «Мы не вырашаліся. Магчыма, назаўжды… а магчыма, пакуль не стане бяспечна жыць у РБ. Куды? Таксама не ведаем. На стадыі выбару. Калі-небудзь пра наш пераезд Фёдар здыме цэлы блокбастар і па ім здымуць гістарычны фільм … няйначай».
Жонка Фёдара Святлана дадала, што хоча, каб муж застаўся ў медыцыне, а сама яна гатовая «фасаваць пячэнькі». Дачка Ксенія пойдзе ў школу ў Польшчы. Котку Лісу сям’я разлічвае забраць з сабой, як абжывецца, а сабака Карыца шукае новы дом.
— Адгукнулася шмат беларусаў, якія пераехалі ў Польшчу. Настолькі шмат, што я нават не чакала, што столькі людзей — і гродзенцаў, і з іншых рэгіёнаў Беларусі - з’ехалі за мяжу, — распавяла Святлана.
«Калі б вы засталіся, што было б?», — спытаў падпісчык. «Быў бы 676», — адказала Святлана, верагодна, маючы на ўвазе колькасць палітвязняў у Беларусі. На 17 верасня 2021 года іх было 675. Што тычыцца пераследу блогераў у Гродне, у сярэдзіне жніўня затрымалі Вадзіма Ермашука, які выступаў супраць гвалту. Ён адбывае другі адміністрацыйны арышт. 16 верасня стала вядома аб узбуджэнні дзвюх крымінальных артыкулаў.
«Гэта было проста пытанне часу», — разважае Фёдар з Hrodna.life аб сваім магчымым затрыманні і жартуе, што жыў бы каля Фарнага касцёла (па суседстве з ім знаходзіцца турма № 1 Гродна, там жа — СІЗА).
— Плануем затрымацца тут [у Польшчы — Hrodna.life]. Шукаем працу, калі атрымаецца, па медыцыне, калі не, буду думаць, кім буду, калі вырасту.
У планах у пары было адкрыццё кавярні ў Гродне. «Можа, заробім грошай і калі-небудзь ўвасобім мару. А можа і тут атрымаецца, як пойдзе», — распавёў Фёдар Hrodna.life.
Фёдар Астаповіч — фельчар з Гродна, звольніўся з працы 9 верасня. Аб сваёй працы і жыцці ён расказваў ў Instagram пад нікам «sumkin.syn». Таксама ён дзяліўся тым, як працуюць медыкі падчас пандэміі каранавіруса. Цяпер у яго 15,5 тысяч падпісчыкаў, у яго жонкі - 11,5. У студзені 2021 года падчас эфіру Фёдара з падпісантамі ў Instagram падключылася Святлана Ціханоўская, што стала поўнай нечаканасцю для гродзенца. Гэты эфір прынёс Фёдару некалькі тысяч новых падпісчыкаў. Фёдар прыязджаў у Шчучын на судовае пасяджэнне да блогера Vadimati.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…